Віталя Пятровіча Мінкевіча абвінавачваюць за шэраг дзеянняў "тэрарыстычнага характару" летам-восенню 2021 года. А таксама ў тым, што ён спаліў пудзіла Лукашэнкі ў сакавіку 2021 года.

Па справе таксама праходзілі Ігар Казлоў, Канстанцін Ермаловіч, Наталля Кед і Надзея Полькіна.

Іх абвінавацілі па некалькіх артыкулах:

• стварэнне арганізацыі для ажыццяўлення тэрарыстычнай дзейнасці або ўдзел у ёй (ч. 2 арт.  290-4 Крымінальнага кодэкса);
• акт тэрарызму (ч. 2 арт. 289 Крымінальнага кодэкса);
• пагроза здзяйснення акта тэрарызму; (ч. 2 арт. 290 Крымінальнага кодэкса);
• абраза прэзідэнта Рэспублікі Беларусь (ч. 1 арт. 368 Крымінальнага кодэкса).

У судзе Бабруйскага раёна і Бабруйска 10 жніўня 2022 года быў вынесены прысуд. Судовы працэс вяла суддзя Наталля Агладкова.

Канстанціну Ермаловічу — 16 гадоў пазбаўлення волі ў калоніі ўзмоцненага рэжыму і штраф у памеры 9 600 рублёў; 

Віталь Мінкевіч — 15 гадоў пазбаўлення воліў калоніі ўзмоцненага рэжыму;

Ігар Казлоў — 14 гадоў пазбаўлення воліў калоніі ўзмоцненага рэжыму;

Надзея Полькіна — 2 гады пазбаўлення волі ў калоніі агульнага рэжыму;

Наталля Кед — 2 гады абмежавання волі без накіравання ва ўстанову адкрытага тыпу (ч.1 арт. 368 Крымінальнага кодэкса).

Віталь утрымліваўся ў СІЗА-5. Адбываў пакаранне ў ПК № 22, пасля ў ПК № 3.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

12 красавіка 2024 г. адбыўся новы суд над Віталём, яму прысудзілі 3 гады турэмнага рэжыму. Ад 20 красавіка пачаў адбываць тэрмін у турме № 1. 

Абвінавачанне запрасіла вялізныя тэрміны зняволення для некалькіх бабруйскіх "тэрарыстаў"

У судзе Бабруйскага раёна і Бабруйска 1 жніўня працягваўся суд над групай мясцовых “тэрарыстаў”. Па справе праходзяць Ігар Казлоў, Канстанцін Ермаловіч, Віталь Мінкевіч, Наталля Кед і Надзея Полькіна.

У Бабруйску працягваецца суд па справе яшчэ адной групы "тэрарыстаў"

У судзе Бабруйскага раёна і Бабруйска 19 ліпеня працягваўся суд над групай мясцовых “тэрарыстаў”. Па справе праходзяць Ігар Казлоў, Канстанцін Ермаловіч, Віталь Мінкевіч, Наталля Кед і Надзея Полькіна.

У Бабруйску вынесеныя суровыя прысуды за "тэрарыстычныя дзеянні" групе мясцовых жыхароў

У судзе Бабруйскага раёна і Бабруйска 10 жніўня 2022 года вынесены прысуд групе мясцовых “тэрарыстаў”. Па справе праходзілі Ігар Казлоў, Канстанцін Ермаловіч, Віталь Мінкевіч, Наталля Кед і Надзея Полькіна.

Прапаганда хацела паказаць "пакаяльнае" відэа з "рэйкавымі партызанамі". Але нешта пайшло не так

На БТ выпусцілі сюжэт з фігурантамі адной з апошніх спраў "рэйкавых партызанаў". Тэлебачанне спрабавала паказаць, як хлопцы шкадуюць за свае ўчынкі і крыўдуюць на "куратараў". Замест гэтага атрымаліся партрэты моцных людзей, якія праглядаюцца нават скрозь мантаж.