Алеся Мікалаеўна Дзернакоўская затрыманая за дапамогу палітзняволеным. 

Алеся працавала лекаркай-дэрматалагіняй, вучылася ў мінскім Медычным інстытуце на спецыяльнасці "Лекавая справа". Яна лекарка першай катэгорыі, з вялікім стажам, бо працуе ў медыцыне з 1999 года. Вядома, што ў Мінску палітзняволеная працавала ў медцэнтрах "Седьмое небо" ды "Медавеню". Некалькі разоў падвышала кваліфікацыю: пачынала з педыятрыі, пасля прайшла перападрыхтоўку па спецыяльнасці "дэрматавенералогія", "тэрапеўтычная касметалогія", "мезатэрапія", "апаратная фізіятэрапія", "лазерныя тэхналогіі ў касметалогіі ды пластычнай хірургіі".

На 4 кастрычніка 2024 г. у Алесі прызначаны разгляд справы ў Мінскім гарадскім судзе паводле артыкула ч. 1 і ч. 2 361-4  КК (садзейнічанне экстрэмісцкай дзейнасці). Суддзя Вера Галаўкова. Таксама пасяджэнні па яе справе адбыліся 7, 8, 9 і 16 кастрычніка. 

Утрымліваецца ў СІЗА № 1.