Савельеў Уладзімір Юр'евіч быў асуджаны 15 чэрвеня 2023 года ў Мінскім гарадскім судзе па ч. 1 арт. 368 КК (Абраза Лукашэнкі), ч. 2 арт. 339 КК (Хуліганства), ч. 2 арт. 361-4 КК (Садзейнічанне экстрэмісцкай дзейнасці), арт. 361-2 КК (Фінансаванне дзейнасці экстрэмісцкага фарміравання) (рэдакцыя страціла сілу 26.05.2021). Справу разглядала суддзя Вера Галаўкова.

Разам з ім у гэты дзень былі асуджаныя Несцярэнка Юрый Сяргеевіч, Цікач Ігар Мікалаевіч, Цяпцееў Ігар Аляксеевіч, Грынько Віктар Юр'евіч.

У пачатку кастрычніка 2022 г. у Маскоўскім раёне сталіцы на апоры лініі электраперадач невядомыя вывесілі бел-чырвона-белы сцяг і сцяг Украіны. У тэлеграм-канале Антона Матолькі на наступны дзень з'явіўся пост з фатаграфіяй сцяга і подпісам: "Мінчане віншуюць украінскі народ з цудоўнымі навінамі з крымскага моста. Крым — це Україна! Жыве Беларусь! Слава Украіне!". Падчас аператыўна-вышуковых мерапрыемстваў супрацоўнікі міліцыі затрымалі шасцярых мінчан ва ўзросце ад 34 да 36 гадоў, якія нібыта гэта зрабілі. У тым ліку Уладзіміра.

Савельеў на праўладным відэа казаў , што акцыю зладзілі ў падтрымку ўкраінцаў: "Гэта падтрымка мірных грамадзян, якія гінуць у непатрэбнай вайне".

14 верасня 2023 года суддзя Эдгар Марцірасян разгледзеў апеляцыю на прысуды.

Дакладна вядома, што мужчыну асудзілі да пазбаўлення волі, але куды яго перавялі з СІЗА-1, невядома. 

20 кастрычніка 2023 г. МУС дадала Уладзіміра ў "спіс экстрэмістаў".