Дзмітрый Сяргеевіч Асіюк — жыхар Бярозы. Яго пачалі судзіць у Брэсцкім абласным судзе 15 ліпеня 2024 году ў закрытым рэжыме. Мужчыну вінавацяць адразу па чатырох артыкулах Крымінальнага кодэкса: ч. 3 арт. 289 (акт тэрарызму), ч. 4 арт. 309 (наўмыснае прывядзенне ў непрыдатнасць транспартнага сродку), чч. 3 і 4 арт. 295 (незаконныя дзеянні ў адносінах да агнястрэльнай зброі, боепрыпасаў і выбуховых рэчываў), ч. 3 арт. 207 (разбой). У чым канкрэтна абвінавачваюць Асіюка — невядома. Яму пагражае вялікі турэмны тэрмін. Справу разглядае Мікалай Сянько.

Праваабаронцам вядома, што пад вартай мужчына ўтрымліваецца прыкладна са снежня 2023 года. Адразу яго ўтрымлівалі ў мінскім СІЗА-1, а цяпер этапавалі ў брэсцкае СІЗА. Вядома, што Асіюк жыў у Бярозе, у яго ёсць дачка.