Ірына Пагадаева

Палітзняволеная

Дата нараджэння: 12 лістапада 1969

Дата затрымання: 6 траўня 2024

Прад'яўленыя абвінавачванні:

арт. 361-4 Крымінальнага кодэкса — Садзейнічанне экстрэмісцкай дзейнасці

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Сіз Андрэй

Месца зняволення: СІЗА-7

Пазнакі: Сур’ёзныя праблемы са здароўем

Справы: Салідарнасць з палітвязнямі

Ірына Анатольеўна Пагадаева з Брэста працавала ў бібліятэцы, у яе двое дзяцей.

Ірына была затрымана 6 траўня 2024 года і змешчана ў СІЗА. Але першы раз сілавікі прыходзілі да жанчыны па гэтай жа справе яшчэ ў лістападзе 2023 года.

Яе вінавацяць паводле ч. 1 и 2 арт. 361-4 КК (садзейнічанне экстрэмісцкай дзейнасці). Вядома, што напрыканцы 2023 года яе ўключылі ў спіс датычных да facebook-суполкі "Лісты салідарнасці", якую прызналі экстрэмісцкім фармаваннем.

Агулам у справе фігуруюць больш за трыццаць эпізодаў, калі жанчына дасылала грошы палітвязням у СІЗА Менска, Гомеля ды іншых гарадоў краіны. У асноўным, гаворка ідзе пра сумы ў 4-5 рублёў. Агулам за няпоўныя паўтара года (са жніўня 2021-га да снежня 2022-га) Ірына адправіла 188 рублёў. Гэтага аказалася дастаткова для ўзбуджэння крымінальнай справы і затрымання ў траўні 2024 года.

Судзіць яе пачалі 26 чэрвеня 2024 года. Справу разглядаў суддзя Андрэй Сіз у Брэсцкім абласным судзе. Ён асудзіў Ірыну да трох гадоў у калоніі агульнага рэжыму

Утрымліваецца ў СІЗА № 7

Палітзняволеную бібліятэкарку асудзілі на тры гады калоніі за пераводы палітвязням

Стала вядома, што 55-гадовую палітзняволеную Ірыну Пагадаеву асудзілі да трох гадоў пазбаўлення волі ў калоніі агульнага рэжыму. Вядома, што яе судзілі за грашовыя пераводы палітвязням па 4-5 рублёў.

Адрас для лістоў: СІЗА-7. 224030, г. Брэст, вул. Савецкіх памежнікаў, 37

Палітвязні знаходзяцца па адрасах:

Падтрымаць «Вясну»