Сяргей Анатольевіч Маўшук — фігурант крымінальнай справы аб масавых беспарадках у Пінску ў ноч з 9 на 10 жніўня 2020 года. 

Сяргей знаходзіўа ў статусе падазраванага па справе па ч. 2 арт. 293 Крымінальнага кодэксу (удзел у масавых беспарадках), з пачатку снежня яму абралі меры стрымання ў выглядзе хатняга арышту. Па гэтай жа справе са жніўня знаходзілася ў СІЗА-6 жонка Сяргея Алена Маўшук, якая таксама прызнана палітзняволенай.

Суд Маскоўскага раёна Брэста 30 красавіка 2021 года вынес прысуд па крымінальнай справе па ч. 2 арт. 293 Крымінальнага кодэкса супраць 14 пінскіх палітвязняў, якіх абвінавацілі ва ўдзеле ў масавых беспарадках у ноч з 9 на 10 жніўня ў Пінску. Сяргея Маўшука асудзілі да 6,5 гадоў калоніі ўзмоцненага рэжыму. Яго ўзялі пад варту ў зале суда.

Вядома, што ў сакавіку 2022 года Сяргея на тыдзень змяшчалі ў ШІЗА і на працягу некалькіх месяцаў не перадаюць яму лісты.

21 лістапада 2024 г. у судзе Аршанскага раёна і г. Орша адбудзецца разгляд справы Сяргея аб пераводзе на турэмны рэжым. Суддзя Іна Кохава.

14 палітвязняў "пінскай справы" пазбавілі волі на тэрміны ад 5,5 да 6,5 гадоў

Пацярпелымі па справе выступілі 109 супрацоўнікаў міліцыі і чыноўнікаў, якія ў агульнай суме патрабуюць ад палітзняволеных каля 530 тысяч рублёў кампенсацыі. Свае маральныя пакуты пінскія міліцыянты абгрунтавалі тым, што яны «выпрабавалі страх, прыніжэнне, боль і сорам, праз перажытыя падзеі яны страцілі сон, спакой і апетыт, адчувалі і адчуваюць трывогу». Суддзя Яўген Брэган асудзіў усіх 14 палітвязняў на тэрміны ад пяці з паловай да шасці з паловай гадоў калоніі.

«Гэта было ўжо не збіццё, гэта былі катаванні». Пяць гісторый палітвязняў «Пінскай справы»

"Вясна" сустрэлася са сваякамі пінскіх палітвязняў у Баранавічах каля СІЗА, куды яны прыехалі ўсе разам, каб перадаць сваім блізкім перадачы.