Затрыманая ў межах крымінальнай справы аб масавых беспарадках. Са слоў міліцыянтаў, жанчына нібыта з палкай замахваліся на супрацоўнікаў міліцыі (АМАП).

44-гадовую Алену Уладзіміраўну Маўшук затрымалі ноччу 10 жніўня ў Пінску. Яе абвінавачваюць ва ўдзеле ў масавых беспарадках па ч. 2 арт. 293 Крымінальнага кодэкса. Муж Алены не ведаў пра яе месцазнаходжанне і стан жонкі на працягу чатырох сутак з моманта затрымання. Пазней з ім звязалася сукамерніца жанчыны і распавяла, што Алена знаходзіцца ў камеры "голая, босая, збітая". Са словаў гэтай жанчыны Алена ў камеру патрапіла ўся ў сіняках. У Алены Маўшук трое дачок: адна — паўнагадовая, дзве — малалетнія. 10-гадовую Ангеліну 17 верасня са школы забралі ў сацыяльны прытулак, таму што муж Алены з'яўляецца яе айчымам. Як паведаміла Алена ў сваіх лістах, палітзняволеную ў СІЗА паставілі на ўлік як «схільную да захопу адміністрацыі з захопам закладнікаў і праявы агрэсіі».

"З-за гэтага відэа сядзяць вашыя дзеці і мая жонка!"

Як распавядае Сяргей Маўшук, муж палітвязніцы Алены, многіх фігурантаў "Пінскай справы" затрымалі з-за аднаго відэа. На многіх пасля затрымання прыносілі раздрукоўкі скрыншотаў з гэтага відэа.

Алене Маўшук прад’яўлена абвінавачванне па арт. 293 Крымінальнага кодэкса.

"Мая мама — у турме". Гісторыі палітвязняў шматдзетных маці

"Мама працавала ў Пінскай бальніцы санітаркай і памочнікам кухара на харчаблоку, яна любіць чысціню і парадак. Калі маму затрымалі, мне заставалася тыдзень да родаў. У мамы ўжо ёсць унукі, яна вельмі мяне падтрымлівала і чакала нараджэння маёй дачкі".