Кірыл Ашурак

справа «Атрадаў грамадзянскай самаабароны Беларусі»

Палітвязень

Дата нараджэння: 29 чэрвеня 1999

Дата затрымання: 23 чэрвеня 2021

Прад'яўленыя абвінавачванні:

арт. 289 Крымінальнага кодэкса — Акт тэрарызму
арт. 290-4 Крымінальнага кодэкса — Стварэнне арганізацыі для ажыццяўлення тэрарыстычнай дзейнасці або ўдзел у ёй

Вынік суда: 13 гадоў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Епіхаў Сяргей

Месца зняволення: ПК № 15

У спісе «тэрарыстаў» (грашовыя пераводы забароненыя)

Кірылу Раманавічу Ашурку прысудзілі 13 гадоў калоніі ва ўмовах узмоцненага рэжыму і штраф у памеры 400 базавых велічыняў (12 800 рублёў) паводле ч. 2 арт. 290-4 (удзел у дзейнасці тэрарыстычнай арганізацыі), ч. 6 арт. 16 і ч. 2 арт. 289 (памагаты ў акце тэрарызму) Крымінальнага кодэкса Рэспублікі Беларусь.


У Мінскім абласным судзе 19 кастрычніка 2022 года распачаўся суд па справе "Атрады грамадзянскай самаабароны Беларусі", якую ў Беларусі прызналі тэрарыстычнай арганізацыяй. Па справе праходзяць адразу пяць чалавек — Дзмітрый Сасноўскі, Аляксей Глотаў, Наталля Мацвеева, Вадзім Гулевіч, Кірыл Ашурак. Агулам іх судзяць па дзесяці артыкулах Крымінальнага кодэкса, у тым ліку, за тэрарызм. Ім інкрымінуюцца тры эпізоды – спроба падрыва вузла сувязі Вайскова-марскога флоту Расеі ў Вілейцы, замах на прапагандыста Рыгора Азаронка і спроба знішчыць лесанарыхтоўчую тэхніку ў лясгасах. 

5 снежня 2022 года былі агучаны прысуды.

10 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Будзе адбываць пакаранне ў ПК-15.

4 жніўня 2023 г. адбудзецца суд аб змене рэжыму пакарання. Суддзя Аляксандр Тараканаў.

Пяць фігурантаў "справы АГСБ" асудзілі на тэрміны ад 13 да 20 гадоў калоніі

Мінскі абласны суд 5 снежня вынес прысуд па "справе Атрадаў грамадзянскай самаабароны Беларусі", па якой праходзяць адразу пяць чалавек — Дзмітрый Сасноўскі, Аляксей Глотаў, Наталля Мацвеева, Вадзім Гулевіч, Кірыл Ашурак. Агулам іх асудзілі па дзесяці артыкулах Крымінальнага кодэкса, у тым ліку, за тэрарызм, за спробу падрыва вузла сувязі Вайскова-марскога флоту Расіі ў Вілейцы, замах на прапагандыста Рыгора Азаронка і спробу знішчыць лесанарыхтоўчую тэхніку ў лясгасах. Заявы Сасноўскага аб катаваннях судом не былі прынятыя да заўвагі. Сумнавядомы суддзя Сяргей Епіхаў прызначыў абвінавачаным ад 13 да 20 гадоў калоніі. Гэта амаль такія тэрміны, якія запрашваў пракурор. Толькі Кірылу Ашурку (на працэсе ён прысутнічаў у кофце колераў дзяржаўнага сцяга) Епіхаў прызначыў на два гады менш — 13 гадоў калоніі.


Храналогія суда:

 

Першы дзень суда па "справе АГСБ"

Усім фігурантам пагражаюць вялікія тэрміны зняволення.

vadzim_gulevich_0.jpg

 

Другі дзень суда па "справе АГСБ": допыт фігурантаў

35-гадовы Вадзім Гулевіч распавёў, што ў 2020 годзе трапіў на Акрэсціна і там пазнаёміўся з другім абвінавачаным — Кірылам Ашуркам.

sasnouski_9.jpeg

 

Фігурант "справы АГСБ" заявіў пра катаванні і ціск

Сёння судовае следства завяршылася — спрэчкі бакоў прызначылі на 11 лістапада. Справу разглядае сумнавядомы суддзя Сяргей Епіхаў.

 

Суд па "справе АГСБ": Дзмітрыю Сасноўскаму выставілі новае абвінавачванне

Раптоўна ў закрытым рэжыме дапыталі інжынера вайсковай часткі ў Вілейцы і абвясцілі перапынак, каб пракурор падрыхтаваў новае абвінавачванне адзінаму фігуранту, які не прызнаў віну па справе, – Дзмітрыю Сасноўскаму

 
Адрас для лістоў: ПК № 15. 213105, г. Магілёў, п/а Вейна, Слаўгарадская шаша, 183

Палітвязні знаходзяцца па адрасах:

Падтрымаць «Вясну»