Аляксандр Кандрацюк
Палітвязень
Дата нараджэння: 16 кастрычніка 1981
Дата затрымання: 5 верасня 2022
Прад'яўленыя абвінавачванні:
- арт. 369 Крымінальнага кодэкса — Абраза прадстаўніка ўлады
- арт. 368 Крымінальнага кодэкса — Абраза прэзідэнта Рэспублікі Беларусь
- арт. 130 Крымінальнага кодэкса — Распальванне варожасці ці варажнечы
Вынік суда: 3 гады і 6 месяцаў
Від пакарання: пазбаўленне волі ў калоніі ва ўмовах агульнага рэжыму
Дата пачатку адбыцця пакарання: 11 ліпеня 2023
Суддзя: Касцюкевіч Анжэла
Пракурор: Далідовіч
Месца зняволення: ПК № 17
Заява аб прызнанні палітвязнем
Сімвалічны(ая) хросны(ая): Марыян Хусейн, дэпутатка нарвежскага парламента і нарвежскай дэлегацыі ў Парламенцкай асамблеі АБСЕ
Аляксандр Уладзіміравіч Кандрацюк — малодшы навуковы супрацоўнік інстытута генетыкі і цыталогіі НАН Беларусі. Яго затрымалі пятага верасня 2022 году. Спачатку суд Першамайскага раёна Мінска арыштаваў яго на 13 сутак, а потым яго перазатрымалі паводле арт. 130 КК (Распальванне сацыяльнай варожасці ці варажнечы). Пасля гэтага яго абвінавацілі таксама паводле арт. 368 (абраза Лукашэнкі) і арт. 369 (абраза прадстаўніка ўлады) Крымінальнага кодэксу.
Вядома, што ў віну паводле арт. 368 яму ставілася сем эпізодаў.
Мінскі гарадскі суд 17 траўня 2023 года прызнаў яго вінаватым і пастанавіў пакараць пазбаўленнем волі тэрмінам на тры з паловай гады ў калоніі ва ўмовах агульнага рэжыму. Справу разглядала суддзя Анжэла Касцюкевіч. Дзяржабвінаваўца – пракурор Далідовіч.
11 ліпеня 2023 г. у Вярхоўным судзе разглядалася апеляцыйная скарга палітвязня суддзёй Фёдарам Чубкаўцом.
31 жніўня 2023 г. КДБ унёс палітвязня ў спіс "асоб, якія маюць дачыненне да тэрарыстычнай дзейнасці".
28 ліпеня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
Адбывае тэрмін у ПК № 17.
У Мінску асудзілі навукоўца і прафсаюзнага актывіста Аляксандра Кандрацюка
