Юрый Паўлавіч Юрэня затрыманы разам з сынам Віталём Юрэнем за данаты. Мужчыну асудзілі за больш за 100 грашовых пераводаў на агульную суму 1885 $, пераводы рабіліся з 7 жніўня 2020 да 24 сакавіка 2021 года. Гэта палічылі "фінансаваннем дзейнасці экстрэмісцкага фармавання".

Юрыя асудзілі да пяці гадоў пазбаўлення волі ў калоніі агульнага рэжыму паводле арт. 361-2  (фінансаванне дзейнасці экстрэмісцкага фармавання) Крымінальнага кодэксу. Суд адбыўся 20 лістапада 2023 году ў Мінскім гарадскім судзе. Вырак агучыла суддзя Святлана Чарапанава.

У судовым пасяджэнні Юрый сваю віну не прызнаў. Растлумачыў, што лічыў "фармаванні", у якія данаціў, дабрачыннымі арганізацыямі.

На 2 лютага 2024 г. прызначаны разгляд апеляцыйнай скаргі Юрыя ў вярхоўным судзе. Старшыня судовай калегіі Павел Каршуновіч. 

У лютым 2024 г. пераведзены з СІЗА № 1 у ПК № 3.

16 лютага 2024 г. унесены МУС у "спіс экстрэмістаў".

Следам за сынам за данаты асудзілі таксама ягонага тату

Затрымалі разам з сынам Віталём 12 траўня 2023 года.