Дзмітрый Клімаў

Дата нараджэння: 21 верасня 1993

Дата затрымання: 30 сакавіка 2022

Прад'яўленыя абвінавачванні:

арт. 356 Крымінальнага кодэкса — Здрада дзяржаве
арт. 309 Крымінальнага кодэкса — Наўмыснае прывядзенне ў непрыдатнасць транспартнага сродку або шляхоў зносін
арт. 289 Крымінальнага кодэкса — Акт тэрарызму
арт. 290-4 Крымінальнага кодэкса — Стварэнне арганізацыі для ажыццяўлення тэрарыстычнай дзейнасці або ўдзел у ёй
арт. 406 Крымінальнага кодэкса — Неданясенне пра злачынства

Вынік суда: 22 гады

Від пакарання: пазбаўленне волі ў калоніі ва ўмовах узмоцненага рэжыму

Дата пачатку адбыцця пакарання: 26 красавіка 2023

Суддзя: Шведаў Ігар

Месца зняволення: ПК № 3

Сімвалічны/ая хросны/ая: Ліам Макартур, дэпутат парламента Шатландыі

У спісе «тэрарыстаў» (грашовыя пераводы забароненыя)
фота Bobr.by

Дзмітрый Аляксандравіч Клімаў — жыхар Бабруйска, затрыманы ў ноч на 30 сакавіка 2022 года. Паводле версіі следства, ён датычны да знішчэння двух рэлейных шаф сігнальнай усталёўкі пад Асіповічамі.

Падчас затрымання Клімаў, а таксама Яўген Мінкевіч і Уладзімір Аўрамцаў аказалі актыўны супраціў і паспрабавалі схавацца. Сілавікі ўжылі зброю. Адзін з затрыманых паранены і знаходзіцца ў лячэбнай установе. Іншым аказалі меддапамогу на месцы. "Супольнасць чыгуначнікаў Беларусі" пісала, што пасля затрымання людзі, якія не аказвалі супраціву, былі мэтанакіравана расстраляныя ў каленныя суставы.

Вядома, што Дзмітрый Клімаў у мінулым працаваў кіроўцам у некалькіх арганізацыях і таксістам. Увесну 2021 года ў Бабруйску запускалася служба таксі 7204, яму прапанавалі пасаду рэгіянальнага менеджара.

На пачатку траўня 2022 г. быў пераведзены з СІЗА-5 у Турму № 4.

Палітзняволеным "партызанам" інкрымінуюць адразу пяць артыкулаў Крымінальнага кодэкса: ч. 3 арт. 289 (акт тэрарызму арганізаванай групай); ч. 2 арт. 290-4 (удзел у арганізацыі для ажыццяўлення тэрарыстычнай дзейнасці); ч. 1 арт. 356 (здрада дзяржаве); ч. 4 арт. 309 (наўмыснае прывядзенне ў непрыдатнасць транспартнага сродку або шляхоў злучэння); ч. 2 арт. 406 (неданясенне аб злачынстве).

23 студзеня 2023 г. у Магілёўскім абласным судзе Ігар Шведаў пачаў разглядаць справу бабруйскіх "рэйкавых партызанаў" у закрытым рэжыме.

10 лютага 2023 г. ён прызначыў Дзмітрыю Клімаву і Уладзіміру Аўрамцаву па 22 гады зняволення, а Яўгену Мінкевічу — паўтара года калоніі (яго вызвалілі ад пакарання часткова тэрмінам на адзін год паводле Закона "Аб амністыі ў сувязі з Днём народнага адзінства").

Разгляд апеляцыйных скаргаў палітвязняў быў прызначаны на 26 красавіка 2023 г. у Вярхоўным судзе. Рашэнне прымаў суддзя Фёдар Чубкавец.

12 траўня 2023 г. КДБ унёс Дзмітрыя ў спіс асобаў, "датычных да тэрарыстычнай дзейнасці".

12 траўня 2023 г. МУС уключыла палітзняволенага ў "Пералік грамадзян Беларусі замежных грамадзян і асоб без грамадзянства, якія маюць дачыненне да экстрэмісцкай дзейнасці".

У канцы траўня 2023 г. стала вядома, што палітвязень быў этапаваны ў ПК № 3.

Двух "рэйкавых партызанаў" асудзілі да 22 гадоў калоніі, яшчэ аднаго вызвалілі па амністыі

Падчас затрымання Дзмітрый Клімаў быў паранены сілавікамі. Дзмітрыя Клімава і Уладзіміра Аўрамцава судзілі па пяці цяжкіх артыкулах Крымінальнага кодэкса, у тым ліку за "акт тэрарызму", "здраду дзяржаве" і "ўдзел у тэрарыстычнай арганізацыі". Справу ў закрытым рэжыме два тыдні разглядаў суддзя Ігар Шведаў.

У закрытым рэжыме пачалі судзіць "рэйкавых партызанаў" з Бабруйску

Раней па артыкуле за "ўдзел у арганізацыі для ажыццяўлення тэрарыстычнай дзейнасці" судзілі толькі фігурантаў "справы АГСБ". Бабруйскіх партызанаў судзяць за сувязь з ByPOL і план "Перамога". Праз тое, што суд праходзіць у закрытым рэжыме, падрабязнасці справы невядомыя.

Былы міліцыянт, спартовец і кіроўца. Што вядома пра трох бабруйчан, якіх са стралянінай затрымалі за падрыхтоўку «дыверсіі» на чыгунцы

6 красавіка МУС распавяло, як у канцы сакавіка сілавікі са стралянінай затрымлівалі «дыверсантаў» на чыгунцы. Трое з іх дзейнічалі разам і, як сцвярджаецца, падпалілі дзве рэлейныя шафы ў раёне Асіповіч. На аператыўных здымках у аднаго з іх перабінтаваныя калены і ён ледзь адказвае на пытанні аператыўнікаў, у другога кроў на твары, а трэці моцна напалоханы. «Медыязона» паспрабавала дазнацца пра затрыманых як мага больш.

Адрас для лістоў: ПК № 3. 211322, Віцебская вобласць, п. Віцьба

Палітвязні знаходзяцца па адрасах:

Падтрымаць «Вясну»