Яўген Віктаравіч Мінкевіч — жыхар Бабруйска, затрыманы ў ноч на 30 сакавіка 2022 года. Паводле версіі следства, ён датычны да знішчэння двух рэлейных шаф сігнальнай ўсталёўкі пад Асіповічамі.

Падчас затрымання Мінкевіч, а таксама Дзмітрый Клімаў і Уладзімір Аўрамцаў аказалі актыўны супраціў і паспрабавалі схавацца. Сілавікі ўжылі зброю. Адзін з затрыманых паранены і знаходзіцца ў лячэбнай установе. Іншым аказана меддапамогу на месцы. "Супольнасць чыгуначнікаў Беларусі" піша, што пасля затрымання людзі, якія не аказвалі супраціву, былі мэтанакіравана расстраляныя ў каленныя суставы.

Пра Яўгена вядома, што ён скончыў вучэльню алімпійскага рэзерву — ён адвучыўся ў МДПУ імя Шамякіна на факультэце фізічнай культуры. Але кар'еру ў спорце Яўген не пабудаваў. Ён працаваў санітарам у бабруйскай хуткай дапамогі, а таксама таксістам ў розных сэрвісах.

На пачатку траўня 2022 быў пераведзены з СІЗА-5 у Турму № 4.

Палітзняволеным "партызанам" інкрымінуюць адразу пяць артыкулаў Крымінальнага кодэкса: ч. 3 арт. 289 (акт тэрарызму арганізаванай групай); ч. 2 арт. 290-4 (удзел у арганізацыі для ажыццяўлення тэрарыстычнай дзейнасці); ч. 1 арт. 356 (здрада дзяржаве); ч. 4 арт. 309 (наўмыснае прывядзенне ў непрыдатнасць транспартнага сродку або шляхоў злучэння); ч. 2 арт. 406 (неданясенне аб злачынстве). Яўгена абвінавацілі паводле апошняга.

23 студзеня 2023 г. у Магілёўскім абласным судзе Ігар Шведаў пачаў разглядаць справу бабруйскіх "рэйкавых партызанаў" у закрытым рэжыме.

10 лютага 2023 г. ён прызначыў Дзмітрыю Клімаву і Уладзіміру Аўрамцаву па 22 гады зняволення, а Яўгену Мінкевічу — паўтара года калоніі. Яўгена вызвалілі ад пакарання часткова тэрмінам на адзін год паводле Закона "Аб амністыі ў сувязі з Днём народнага адзінства". З улікам часу знаходжання пад вартай пакаранне лічыцца адбытым.

12 траўня 2023 г. МУС уключыла палітзняволенага ў "Пералік грамадзян Беларусі замежных грамадзян і асоб без грамадзянства, якія маюць дачыненне да экстрэмісцкай дзейнасці".

Двух "рэйкавых партызанаў" асудзілі да 22 гадоў калоніі, яшчэ аднаго вызвалілі па амністыі

Падчас затрымання Дзмітрый Клімаў быў паранены сілавікамі. Дзмітрыя Клімава і Уладзіміра Аўрамцава судзілі па пяці цяжкіх артыкулах Крымінальнага кодэкса, у тым ліку за "акт тэрарызму", "здраду дзяржаве" і "ўдзел у тэрарыстычнай арганізацыі". Справу ў закрытым рэжыме два тыдні разглядаў суддзя Ігар Шведаў.

У закрытым рэжыме пачалі судзіць "рэйкавых партызанаў" з Бабруйску

Раней па артыкуле за "ўдзел у арганізацыі для ажыццяўлення тэрарыстычнай дзейнасці" судзілі толькі фігурантаў "справы АГСБ". Бабруйскіх партызанаў судзяць за сувязь з ByPOL і план "Перамога". Праз тое, што суд праходзіць у закрытым рэжыме, падрабязнасці справы невядомыя.

Былы міліцыянт, спартовец і кіроўца. Што вядома пра трох бабруйчанаў, якіх са стралянінай затрымалі за падрыхтоўку "дыверсіі" на чыгунцы

6 красавіка МУС распавяло, як у канцы сакавіка сілавікі са стралянінай затрымлівалі «дыверсантаў» на чыгунцы. Трое з іх дзейнічалі разам і, як сцвярджаецца, падпалілі дзве рэлейныя шафы ў раёне Асіповіч. На аператыўных здымках у аднаго з іх перабінтаваныя калены і ён ледзь адказвае на пытанні аператыўнікаў, у другога кроў на твары, а трэці моцна напалоханы. "Медыязона" паспрабавала дазнацца пра затрыманых як мага больш.