Дзяніс Мікалаевіч Воразаў быў затрыманы на пачатку верасня 2022 года за вывешванне бел-чырвона-белага сцяга і сцяга Украіны на фасадзе шматпавярховага дома ў Мінску разам з Вячаславам Панцюшэнкам, Вольгай Церах, Уладзімірам Лаворам і Кацярынай Зарэцкай. Іх вінавацілі ў хуліганстве (арт. 339 Крымінальнага кодэксу).

Сукамернікі Дзяніса Воразава распавядалі праваабаронцам пра яго жорсткае затрыманне:

"Яго вывозілі ў лес і пагражалі забіць".

Былы палітвязень, які сядзеў у адной камеры СІЗА-1 з Дзянісам, распавёў праваабаронцам падрабязнасці яго затрымання.

"Дзяніса прывезлі ўсяго сіняга ад збіцця. Ён выглядаў, як кавалак мяса. Вочы і твар былі моцна заплыўшыя. Спачатку яго адвезлі ў лякарню, каб сыйшлі пабоі, настолькі моцна яго збілі. У лякарні яго прысцягнулі да ложка па дыяганалі за руку і нагу".

Як распавёў суразмоўца, Дзяніса збіваў асабіста міністр МУС Іван Кубракоў.

Праз два тыдні пасля затрымання Міністэрства ўнутраных справаў прызнала "экстрэмісцкім фармаваннем" канал у дадатку Zello, праз які камунікавалі мінчукі падчас арганізацыі акцыі.Сярод артыкулаў, якія ў выніку паставілі ў віну палітвязням, не было "злоснага хуліганства", на падставе якога іх затрымалі і змясцілі пад варту. Пяць чалавек абвінавацілі па больш цяжкіх артыкулах Крымінальнага кодэкса: ч. 1, 3 арт. 361-1 (стварэнне і ўдзел у "экстрэмісцкім фармаванні") і ч. 2 арт. 361-4 КК (садзейнічанне экстрэмісцкай дзейнасці).

У сакавіку 2023 г. стала вядома, што Дзяніса перавялі з СТ № 8 у мінскі СІЗА-1.

Разгляд "справы сцягоў" пачаўся 20 сакавіка 2023 г. у Мінскім гарадскім судзе ў закрытым рэжыме. Суддзя Дзіна Кучук 6 красавіка прызначыла мінчукам наступныя тэрміны:

• Дзянісу Воразаву — пяць гадоў калоніі ва ўмовах узмоцненага рэжыму;
• Вячаславу Панцюшэнку — пяць гадоў калоніі ва ўмовах узмоцненага рэжыму;
• Вользе Церах — пяць гадоў калоніі ва ўмовах агульнага рэжыму;
• Уладзіміру Лавору — чатыры гады і дзевяць месяцаў калоніі ва ўмовах узмоцненага рэжыму;
• Кацярыне Зарэцкай — пяць гадоў калоніі ва ўмовах агульнага рэжыму.

Напрыканцы жніўня 2023 г. быў пераведзены ў Турму № 4.

19 верасня 2023 года адбудзецца разгляд апеляцыйнай скаргі Дзяніса ў Вярхоўным судзе. Суддзя Мікалай Грынцэвіч, пасяджэнне будзе закрытым.

У кастрычніку 2023 г. переаведзены ў ПК-17. 

13 кастрычніка 2023 г. МУС унесла Дзяніса ў "спіс экстрэмістаў". 

Да пяці гадоў калоніі. Асудзілі палітвязняў, якія вывесілі нацыянальныя сцягі Беларусі і Украіны

Супраць іх узбудзілі крымінальную справу за "злоснае хуліганства", але праз два тыдні пасля іх затрымання МУС прызнала "экстрэмісцкім фармаваннем" канал у дадатку Zello, праз які камунікавалі мінчукі пры арганізацыі акцыі. У выніку справу перакваліфікавалі на ч. 3 арт. 361–1 (стварэнне або ўдзел у "экстрэмісцкім фармаванні") і ч. 2 арт. 361–4 Крымінальнага кодэкса (садзейнічанне экстрэмісцкай дзейнасці).

"Так званая справа". Што вядома пра затрыманых за вывешванне нацыянальных сцягоў Беларусі і Украіны

У сярэдзіне верасня сілавікі затрымалі пяць мінчукоў за тое, што яны вывесілі вялікія нацыянальныя сцягі Беларусі і Украіны на фасадзе дома па вуліцы Лесі Украінкі ў Мінску. Супраць іх узбудзілі крымінальную справу за "злоснае хуліганства, здзейсненае групай асобаў" паводле ч. 2 арт. 339 Крымінальнага кодэкса і змясцілі ўсіх пад варту ў жодзінскую турму. Але пераслед затрыманых на гэтым не спыніўся.