Анатоль Віктаравіч Латушка з Мінску быў затрыманы ўначы 31 студзеня 2022 года. Яму паставілі ў віну ч. 2 арт. 339 КК (хуліганства) за маляванне праз трафарэты "Пагоні", арт. 370 КК (абраза дзяржаўных сімвалаў), а таксама ч. 1 арт. 342 КК за ўдзел у пратэсных маршах у 2020 годзе. Пазней стала вядома, што яму таксама інкрымінуюць "незаконныя збор і распаўсюд інфармацыі аб прыватным жыцці і персанальных дадзеных асоб у сувязі з выкананнем імі грамадскага абавязку" (ч. 3 арт. 203-1 Крымінальнага кодэкса).

Вядома, што пасля затрымання Анатоля моцна збілі. Утрымліваўся ў ІЧУ на Акрэсціна, пасля быў пераведзены ў СІЗА-1.

Анатоль Латушка — стрыечны брат палітыка Паўла Латушкі.

12 верасня 2022 г. распачаўся разгляд справы палітзняволенага.

У судзе Цэнтральнага раёна Мінска 20 верасня вынеслі прысуды тром палітзняволеным — стрыечнаму брату палітыка Паўла Латушкі Анатолю Латушку, Ліліі Ананян, Алене Маліноўскай. Іх затрымалі 31 студзеня за маляванне па трафарэце на паштовых скрынях у пад'ездах герба "Пагоня" і змясцілі пад варту. Вядома, што пасля затрымання Анатоля моцна збілі. Цяпер іх асудзілі агулам па пяці артыкулах Крымінальнага кодэкса за распаўсюд улётак да рэферэндуму, удзел у Маршы, маляванне "Пагоні", спаленне дзяржаўнага сцягу. На судзе Латушка і Маліноўская віну не прызналі, Ананян —  прызнала цалкам. У выніку, суддзя Дзмітрый Карсюк асудзіў Анатоля да 6 гадоў калоніі, Алену — да 4 гадоў калоніі, Лілію — да 5 гадоў "хатняй хіміі" і яе вызвалі ў зале суда. Латушку яшчэ аштрафавалі на 300 базавых велічыняў і павінен кампенсаваць шкоду пацярпелым.

На пачатку лістапада палітвязня перавялі з СІЗА-1 у віцебскі СІЗА-2.

30 снежня 2022 г. МУС уключыў палітвязня ў "спіс экстрэмістаў".

У канцы студзеня 2023 г. стала вядома, што Анатоля этапавалі ў наваполацкую ПК № 1.

Пераведзены ў ПК № 17.

22 сакавіка 2024 года ў Шклове адбыўся суд па замене палітвязню рэжыму ўтрымання на турэмны. Аляксандр Тараканаў пастанавіў перавесці палітвязня, асуджанага да шасці гадоў калоніі, у турму тэрмінам на шэсць месяцаў. Анатоля этапавалі ў гродзенскую турму № 1.

Палітвязня Анатоля Латушку перавялі на турэмны рэжым у Гродна

У судзе Шклоўскага раёна 22 сакавіка адбыўся суд па замене Анатолю Латушку рэжыму ўтрымання на турэмны. Суддзя Аляксандр Тараканаў пастанавіў перавесці палітвязня, асуджанага да шасці гадоў калоніі, у турму тэрмінам на шэсць месяцаў. Анатоля ўжо этапавалі ў гродзенскую турму № 1.

Апраналі пакет на галаву, было не менш за 50 удараў: сталі вядомыя падрабязнасці збіцця палітвязня Анатоля Латушкі

Падчас суда, які праходзіў у адкрытым рэжыме, былі агучаныя падрабязнасці прымянення фізічнай сілы да яго ў Цэнтральным РУУС — "Вясна" публікуе іх.

Да 6 гадоў калоніі. Вынеслі прысуды тром палітвязням, сярод якіх — Анатоль Латушка

У судзе Цэнтральнага раёна Мінска 20 верасня вынеслі прысуды тром палітзняволеным — стрыечнаму брату палітыка Паўла Латушкі Анатолю Латушку, Ліліі Ананян, Алене Маліноўскай.

Пачалі судзіць стрыечнага брата Латушкі Анатоля і яшчэ дзвюх палітзняволеных

Акрамя іншага, Анатолю Латушку інкрымінуюцца "незаконныя збор і распаўсюд інфармацыі аб прыватным жыцці і персанальных дадзеных асоб у сувязі з выкананнем імі грамадскага абавязку шляхам размяшчэння ў розных агульнадаступных месцах улётак, якія змяшчаюць дадзеныя, якія складаюць асабістую і сямейную таямніцу пацярпелых" (ч. 3 арт. 203-1 Крымінальнага кодэкса); "актыўны ўдзел 18 кастрычніка 2020 года ў групавых дзеяннях, якія груба парушаюць грамадскі парадак" (ч. 1 арт. 342 Крымінальнага кодэкса).