Алена Маліноўская
Палітзняволеная
Дата нараджэння: 2 красавіка 1973
Дата затрымання: 31 студзеня 2022
Прад'яўленыя абвінавачванні:
- арт. 370 Крымінальнага кодэкса — Здзек з дзяржаўных сімвалаў
- ч. 2 арт. 339 Крымінальнага кодэкса — Хуліганства, здзейсненае групай асобаў
Вынік суда: 4 гады
Від пакарання: пазбаўленне волі ў калоніі ва ўмовах агульнага рэжыму
Дата пачатку адбыцця пакарання: 2 лютага 2023
Суддзя: Карсюк Дзмітрый
Месца зняволення: ПК № 4
Справы: Пратэсты Мінск
Заява аб прызнанні палітзняволенай
Сімвалічны(ая) хросны(ая): Вілі Рэні, дэпутат парламенту Шатландыі
Алена Віктараўна Маліноўская з Мінску была затрымана ўначы 31 студзеня 2022 года. Яе абвінавачвалі паводле ч. 2 арт. 339 КК (хуліганства) за маляванне ў пад'ездах праз трафарэты герба "Пагоня", арт. 370 КК (абраза дзяржаўных сімвалаў) і арт. 203-1 за распаўсюд асабістай інфармацыі ва ўлётках. Пазней абвінавачванне паводле 203-1 было знятае.
Дома ў Алены застаўся непаўнагадовы сын.
Утрымлівалася ў ІЧУ на Акрэсціна, пасля была пераведзеная ў СІЗА-1.
12 верасня 2022 г. пачаўся разгляд справы. У судзе Цэнтральнага раёна Мінска 20 верасня вынеслі прысуды тром палітзняволеным — стрыечнаму брату палітыка Паўла Латушкі Анатолю Латушку, Ліліі Ананян, Алене Маліноўскай. Іх асудзілі агулам па пяці артыкулах Крымінальнага кодэкса за распаўсюд улётак да рэферэндуму, удзел у Маршы, маляванне "Пагоні", спаленне дзяржаўнага сцягу. На судзе Латушка і Маліноўская віну не прызналі, Ананян — прызнала цалкам. У выніку, суддзя Дзмітрый Карсюк асудзіў Анатоля да 6 гадоў калоніі, Алену — да 4 гадоў калоніі, Лілію — да 5 гадоў "хатняй хіміі" і яе вызвалі ў зале суда. Латушку яшчэ аштрафавалі на 300 базавых велічыняў, ён павінен кампенсаваць шкоду пацярпелым.
На пачатку лістапада 2022 г. Алену перавялі ў гомельскі СІЗА-3. Палітзняволеная адбывае пакаранне ў гомельскай жаночай калоніі № 4.
Да 6 гадоў калоніі. Вынеслі прысуды тром палітвязням, сярод якіх — Анатоль Латушка
Пачалі судзіць стрыечнага брата Латушкі Анатоля і яшчэ дзвюх палітзняволеных
