Лілія Лернікаўна Ананян была затрымана ўначы 31 студзеня 2022 года разам з Анатолем Латушкам і Аленай Маліноўскай. Папярэдне, ёй ставяць у віну ч. 2 арт. 339 КК (хуліганства) за маляванне праз трафарэты «Пагоні».

Утрымлівалася ў ІЧУ на Акрэсціна, пасля была пераведзена ў СІЗА-1. У сярэдзіне лютага 2022 Лілію перавялі ў Следчую турму № 8, а ў канцы жніўня — у СІЗА-1.

12 верасня 2022 г. распачаўся разгляд справы палітзняволенай.

У судзе Цэнтральнага раёна Мінска 20 верасня вынеслі прысуды тром палітзняволеным — стрыечнаму брату палітыка Паўла Латушкі Анатолю Латушку, Ліліі Ананян, Алене Маліноўскай. Іх затрымалі 31 студзеня за маляванне па трафарэце на паштовых скрынях у пад'ездах герба "Пагоня" і змясцілі пад варту. Вядома, што пасля затрымання Анатоля моцна збілі. Цяпер асудзілі агулам па пяці артыкулах Крымінальнага кодэкса за распаўсюд улётак да рэферэндуму, удзел у Маршы, маляванне "Пагоні", спаленне дзяржаўнага сцягу. На судзе Латушка і Маліноўская віну не прызналі, Ананян —  прызнала цалкам. У выніку, суддзя Дзмітрый Карсюк асудзіў Анатоля да 6 гадоў калоніі, Алену — да 4 гадоў калоніі, Лілію — да 5 гадоў "хатняй хіміі" і яе вызвалі ў зале суда. 

Да 6 гадоў калоніі. Вынеслі прысуды траім палітвязням, сярод якіх — Анатоль Латушка

У судзе Цэнтральнага раёна Мінска 20 верасня вынеслі прысуды тром палітзняволеным — стрыечнаму брату палітыка Паўла Латушкі Анатолю Латушку, Ліліі Ананян, Алене Маліноўскай.

Пачалі судзіць стрыечнага брата Латушкі Анатоля і яшчэ дзвюх палітзняволеных

Акрамя іншага, Анатолю Латушку інкрымінуюцца "незаконныя збор і распаўсюд інфармацыі аб прыватным жыцці і персанальных дадзеных асоб у сувязі з выкананнем імі грамадскага абавязку шляхам размяшчэння ў розных агульнадаступных месцах улётак, якія змяшчаюць дадзеныя, якія складаюць асабістую і сямейную таямніцу пацярпелых" (ч. 3 арт. 203-1 Крымінальнага кодэкса); "актыўны ўдзел 18 кастрычніка 2020 года ў групавых дзеяннях, якія груба парушаюць грамадскі парадак" (ч. 1 арт. 342 Крымінальнага кодэкса).