Ігар Мікалаевіч Чарнавусаў быў затрыманы 31 сакавіка 2023 года і змешчаны пад варту па крымінальнай справе паводле трох артыкулаў Крымінальнага кодэксу: ч. 1 і 2 арт. 361-4 КК (Садзейнічанне экстрэмісцкай дзейнасці), 368 КК (Абраза Лукашэнкі), ч. 1 арт. 361-1 КК (Стварэнне экстрэмісцкага фармавання ці ўдзел у ім). Таксама па справе былі затрыманы Уладзімір Каменнаў, Дзмітрый Папкоў.

Усе яны родам з Гомеля і, мяркуючы па пастам у сацсетках, даўно сябравалі, разам удзельнічалі ў міжнароднай гульні ў Beer Pong У Гомелі. 

Пасля брутальнага затрымання сяброў прымусілі запісаць «пакаяннае відэа» і сказаць пра тое, што яны стварылі чат, дзе перапісваліся паміж сабой, а пасля ўварвання РФ ва Украіну нібыта некалькі разоў у перапісках абразілі Лукашэнку, таксама пісалі «няправільныя» каментары. Яшчэ адно абвінавачванне – хлопцы «мелі знешнія сувязі» з беларускімі добраахвотнікамі, якія ваююць за Украіну. Мяркуючы з усяго, менавіта гэта стала падставай для распачынання крымінальнай справы паводле артыкула «садзейнічанне экстрэмісцкай дзейнасці».

5 студзеня 2024 года ў Гомельскім абласным судзе распачаўся разгляд справы ў закрытым рэжыме. Суддзя — Алег Харошка. 1 сакавіка Ігару вынеслі прысуд па шэрагу крымінальных артыкулаў, але вынік невядомы. 

У красавіку 2024 г. стала вядома, што яго зноў будуць судзіць. Ігар знаходзіцца ў СІЗА-3.

Разгляд прызначаны на 6 траўня 2024 г. у Гомельскім абласным судзе паводле артыкулаў Крымінальнага кодэкса: 130 ч. 1 (распальванне сацыяльнай варожасці ці варажнечы), 368 ч. 1 (абраза Лукашэнкі), 367 ч. 2 (паклёп у дачыненні да Лукашэнкі). Суддзя Анатоль Сотнікаў. 

На 10 траўня 2024 г. у Ігара прызначаны разгляд апеляцыйнай скаргі на закрытым пасяджэнні. Старшыня судовай калегіі Максім Філатаў.

24 траўня 2024 г. унесены МУС у "спіс экстрэмістаў". 16 жніўня 2024 года быў унесены ў спіс другі раз.

2 жніўня 2024 г. разгледзелі апеляцыйную скаргу Ігара. Старшыня судовай калегіі Аляксей Хлышчанкоў.

У Гомелі аднавіўся суд над кампаніяй сяброў за стварэнне чату і падтрымку Украіны

У Гомельскім абласным судзе 6 лютага аднавіўся судовы працэс над трыма жыхарамі абласнога цэнтра, якіх абвінавачваюць адразу па некалькіх "палітычных" артыкулах: "Садзейнічанне экстрэмісцкай дзейнасці" (ч. 1 і 2 арт. 361- 4 КК), "Стварэнне экстрэмісцкага фармавання альбо ўдзел у ім" (арт. 361-1 ч. 1), а таксама абраза Лукашэнкі (арт. 368 ч. 1).