Віталь Фёдаравіч Брагінец — адвакат. Працаваў у юрыдычнай кансультацыі Дзяржынскага раёна Мінскай вобласці. Брагінец абараняў некаторых палітвязняў, у тым ліку Алеся Бяляцкага, а таксама адваката Андрэя Мачалава, які застаўся без абароны на судзе праз арышт Віталя. 

Пасля затрымання дома яго даставілі ў Партызанскі РУУС "для праверкі на датычнасць да пратэснай дзейнасці". Адтуль ён, як сцвярджалася ў судзе, "паспрабаваў сысці". У гэтым і выявілася непадпарадкаванне. На яго склалі пратакол па арт. 24.3 КоАП і арыштавалі на 15 сутак. Пазней стала вядома, што Віталь затрыманы паводле крымінальнай справы за ўдзел у пратэстах.

5 жніўня 2022 г. кваліфікацыйная камісія пазбавіла Брагінца ліцэнзіі "ў сувязі з прымяненнем да адвакатаў дысцыплінарных спагнанняў у выглядзе выключэння з Мінскай абласной калегіі адвакатаў за ўчыненне правін, несумяшчальных са званнем адваката".

На пачатку студзеня 2023 г. стала вядома, што адваката абвінавачваюць паводле чатырох артыкулаў Крымінальнага кодэкса: ч. 3 арт. 130 (распальванне іншай сацыяльнай варожасці), ч. 3 арт. 361 (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы), ч. 1 арт. 361-1 (стварэнне экстрэмісцкага фармавання альбо ўдзел ў ім) і ч. 1 арт. 342 (актыўны ўдзел у дзеяннях, якія груба парушаюць грамадскі парадак).

Справу пачалі разглядаць у Мінгарсудзе 16 студзеня 2023 г. Працэс вядла суддзя Алена Ананіч. З 17 студзеня пасяджэнні адбываліся ў закрытым рэжыме. 2 лютага агучылі прысуд — восем гадоў калоніі ва ўмовах узмоцненага рэжыму. 

Апеляцыйную скаргу палітвязня пачалі разглядаць 28 красавіка 2023 г. у Вярхоўным судзе ў закрытым рэжыме. Рашэнне прымае суддзя Эдгар Марцірасян.

У чэрвені 2023 года стала вядома, што Віталя накіравалі адбываць пакаранне ў ПК № 17.

23 чэрвеня 2023 г. МУС унесла палітвязня ў "спіс экстрэмістаў".

Працоўная група ААН прызнала парушэнні правоў палітзняволенага адваката Віталя Брагінца

Працоўная група ААН па адвольных затрыманнях (ПГАЗ) разгледзела справу палітзняволенага адваката Віталя Брагінца і прыйшла да высновы, што Беларусь парушыла яго правы. Скаргу ў ПГАЗ падрыхтавалі юрысты праваабарончай арганізацыі Respect-Protect-Fulfill і Беларускай асацыяцыі адвакатаў правоў чалавека.

Палітзняволенага адваката Віталя Брагінца асудзілі да 8 гадоў калоніі

Як распавялі праваабаронцам яго сукамернікі, у Брагінца знайшлі фота з акцый пратэсту, але яго самога на іх не было, таму не ведалі, што яму інкрымінаваць. У выніку Віталю адразу прад'явілі абвінавачванне па арт. 342 Крымінальнага кодэкса, але канчатковае абвінавачванне пашырылася ажно да чатырох артыкулаў Крымінальнага кодэкса.

Без права на абарону. Як у Беларусі пераследуюць адвакатаў і якія гэта можа мець наступствы для беларусаў

Прыводзім хроніку пераследу адвакатаў і палітзняволеных абаронцаў, а юрыст "Вясны" Павел Сапелка, якога ў 2011 годзе таксама пазбавілі ліцэнзіі, распавядае, якія наступствы такі ціск можа мець для ўсіх беларусаў.