Уладзімір Пятровіч Тычынскі — прадпрымальнік з Магілёва, быў затрыманы 31 траўня 2023 года, дома ў яго правялі вобшук. На рэгіянальным дзяржканале заявілі, што Тычынскі «быў прыхільнікам укра-нацысцкіх фармаванняў», а таксама што «ездзіў з украінскай нацыяналістычнай сімволікай у сваім аўто». Пад апошнім маецца на ўвазе афіцыйны сцяг Украіны.

У выніку на Уладзіміра завялі крымінальную справу паводле арт. 361-4 КК (Садзейнічанне экстрэмісцкай дзейнасці). Яму ставяць у віну тое, што ў красавіку 2022 года ён зняў на свой мабільны тэлефон перамяшчэнне расейскай вайсковай Z-тэхнікі і адправіў відэа ў медыя, прызнанае ўладамі "экстрэмісцкім".

Уладзіміра змясцілі ў турму № 4.

Магілёўскі абласны суд 15 жніўня 2023 г. вынес прысуд Уладзіміру Тычынскаму. Суддзя Павел Клімаў прызнаў мужчыну вінаватым у "садзейнічанні экстрэмісцкай дзейнасці" (ч. 1 арт. 361-4 КК) і прыгаварыў Тычынскага да двух з паловай гадоў пазбаўлення волі ў калоніі ва ўмовах агульнага рэжыму.

24 кастрычніка 2023 г. адбыўся разгляд апеляцыйнай скаргі Уладзіміра ў Вярхоўным судзе. Старшыня калегіі Пётр Лістраценка. Вядома, што прысуд набыў моц і Уладзімір пачаў адбываць пакаранне, месца зняволення высвятляецца. 

3 лістапада 2023 г. унесены МУС у "спіс экстрэмістаў".

Адбывае тэрмін у ПК № 22. 

Прадпрымальніка з Магілёва асудзілі за фота перамяшчэння расейскай ваеннай Z-тэхнікі

Магілёўскі абласны суд 15 жніўня 2023 года вынес прысуд мясцоваму жыхару, бізнесоўцу Уладзіміру Тычынскаму.