Арцём Сямёнавіч Жарнак — старшыня першаснай прафсаюзнай арганізацыі Свабоднага Саюза металістаў на МАЗе. Быў затрыманы 17 лістапада 2021 года. 

Ён быў узяты пад варту паводле абвінавачвання па ч. 3. арт. 293 і арт. 361 Крымінальнага кодэксу за падрыхтоўку ўдзельнікаў масавых беспарадкаў і заклікі да мер абмежавальнага характару (санкцый).

У Мінскім гарадскім судзе 13 кастрычніка 2022 г. быў вынесены прысуд. Суддзя Наталля Бугук прызнала хлопца вінаватым па трох артыкулах Крымінальнага кодэкса: ч. 3 арт. 361 (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь); ч. 1 арт. 342 (удзел у дзеяннях, якія груба парушаюць грамадскі парадак); ч. 1 арт. 361-1 (стварэнне экстрэмісцкага фарміравання або ўдзел у ім) і прызначыла яму чатыры гады зняволення ў калоніі ва ўмовах агульнага рэжыму. 

У канцы лістапада стала вядома пра перавод Арцёма ў віцебскі СІЗА-2.

У канцы студзеня 2023 г. палітвязня ўключылі ў "спіс экстрэмістаў", а на пачатку лютага 2023 г. — "у спіс тэрарыстаў".

Арцёма этапавалі ў наваполацкую ПК № 1 напрыканцы студзеня 2023 г.

Старшыню незалежнага прафсаюзу на "МАЗ" і яшчэ аднаго палітвязня асудзілі да 4 і 5 гадоў калоніі

У Мінскім гарадскім судзе 13 кастрычніка 2022 года асудзілі палітзняволеных старшыню першаснай прафсаюзнай арганізацыі Свабоднага прафсаюза металістаў на ААТ "Мінскі аўтамабільны завод" Арцёма Жарнака і Данііла Чаўнакова. Паведамляецца, што Арцём не згодны з вынесеным рашэннем і мае намер яго абскардзіць. У бліжэйшы час будзе пададзена апеляцыя на прысуд суда.