Уладзімір Дудараў
каардынатар ініцыятыўнай групы Віктара Бабарыкі па Магілёўскай вобласці, асуджаны да 7,5 гадоў калоніі
Дата нараджэння: 16 траўня 1977
Дата затрымання: 11 чэрвеня 2020
Прад'яўленыя абвінавачванні:
ч. 4 арт. 209 Крымінальнага кодэкса — Махлярства, здзейсненае арганізаванай групай альбо ў асабліва буйным памеры
арт. 426 Крымінальнага кодэкса — Перавышэнне ўлады ці службовых паўнамоцтваў
Вынік суда: 7 гадоў і 6 месяцаў
Від пакарання: пазбаўленне волі ў калоніі ва ўмовах узмоцненага рэжыму
Дата пачатку адбыцця пакарання: 14 лютага 2022
Суддзя: Каролька Алена
Пракурор: Снытчанка Сяргей
Месца зняволення: ПК № 2
Заява аб прызнанні палітвязнем
Сімвалічны/ая хросны/ая: Рэната Альт, дэпутатка Бундэстага; раней — Юрген Мартэнс
Уладзімір Аляксеевіч Дудараў у 2020 годзе каардынаваў працу рэгіянальнай ініцыятыўнай групы Віктара Бабарыкі.
У 2001 годзе скончыў Магілёўскі дзяржаўны тэхнічны ўніверсітэт. Працаваў у Магілёўскім гарвыканкаме. У 2018 годзе быў прызначаны намеснікам старшыні Магілёўскага гарвыканкаму, курыраваў пытанні будаўніцтва і жыллёва-камунальнай гаспадаркі. У кастрычніку 2019 года пакінуў гэтую пасаду.
Раніцай 11 чэрвеня 2020 года ў галаўны офіс Белгазпрамбанка прыйшлі супрацоўнікі ДФР. Ператрус таксама праходзіў у людзей, звязаных з Бабарыкам. Быў затрыманы і Уладзімір Дудараў.
У Чавускім раённым судзе 20 верасня 2021 года вынеслі прысуд па справе палітзняволенага экс-намесніка старшыні Магілёўскага гарвыканкама Уладзіміра Дударава. Старшыня суда Чавускага раёна Алена Каралько прызнала яго вінаватым у злоўжыванні службовымі паўнамоцтвамі (ч. 3 арт. 426 КК) і махлярстве (ч. 4 арт. 209 КК) і асудзіла да сямі з паловай гадоў калоніі ва ўмовах узмоцненага рэжыму. Дудараў сваю віну не прызнаў. Судовы працэс пачаўся 20 красавіка 2021 года. Дзяржаўнае абвінавачванне падтрымліваў пракурор пракуратуры Чавускага раёна Сяргей Снытчанка.
У сярэдзіне лютага 2022 быў пераведзены з Турмы № 4 у бабруйскую папраўчую калонію № 2.
Палітзняволенага экс-намесніка кіраўніка Магілёўскага гарвыканкама Уладзіміра Дударава асудзілі да 7,5 гадоў калоніі
