Сяргей Юр'евіч Нікіцюк — музыка, навучаўся ў Валынскім нацыянальным універсітэце імя Лесі Украінкі. Жыве ў Жабінцы Брэсцкай вобласці. Мужчына мае на ўтрыманні непаўнагадовае дзіця.

У Брэсцкім абласным судзе 21 лістапада 2022 года яго асудзілі паводле ч. 1 арт. 368 (Абраза Лукашэнкі) і ч. 1 арт. 361-4 (Садзейнічанне экстрэмісцкай дзейнасці). Суддзя Дзмітрый Куроўскі прызначыў Сяргею Нікіцюку тры гады пазбаўлення волі ў калоніі ва ўмовах агульнага рэжыму. Менавіта такое пакаранне прасіла дзяржабвінавачанне, якое прадстаўляў пракурор Аляксандр Бацюшка.

Вядома, што нагодай для пераследу зрабіўся каментар "Трепло" ў суполцы "Белсат TV" у "ВКонтакте" пад навіной з цытатай Лукашэнкі, а таксама тое, што 27 лютага 2022 г., у дзень рэферэндума, Сяргей адправіў у бот рэдакцыі NEXTA здымак свайго бюлетэня з дзвюма птушкамі.

На пачатку лютага 2023 г. палітвязня этапавалі з СІЗА-7 у ПК № 3.

Берасцейца асудзілі на тры гады калоніі за каментар пра Лукашэнку і перадачу фотаздымка бюлетэня з рэферэндума

У Брэсцкім абласным судзе 21 лістапада асудзілі Сяргея Нікіцюка паводле ч. 1 арт. 368 (Абраза Лукашэнкі) і ч. 1 арт. 361-4 (Садзейнічанне экстрэмісцкай дзейнасці). Суддзя Дзмітрый Куроўскі прызначыў Сяргею Нікіцюку тры гады пазбаўлення волі ў калоніі ва ўмовах агульнага рэжыму. Дзяржабвінавачанне прадстаўляў пракурор Аляксандр Бацюшка.