Аляксей Віктаравіч Бычкоўскі абвінавачаны паводле чатырох артыкулаў Крымінальнага кодэксу за перадачу дадзеных прадстаўнікоў сілавых ведамстваў тэлеграм-каналу:

• ч. 6 арт. 16 арт. 130 КК (дапамаганне ў наўмысных дзеяннях, накіраваных на ўзбуджэнне іншай сацыяльнай варожасці і варожасці па прыкмеце іншай сацыяльнай прыналежнасці, учыненых групай асоб);
• ч. 6 арт. 16 арт. 364 КК (дапамаганне ў наўмысных дзеяннях, скіраваных на прычыненне гвалту ў дачыненні да службовай асобы);
• ч.2 арт. 203-1 КК (незаконныя дзеянні ў дачыненні да інфармацыі аб прыватнага жыцця і персанальных дадзеных);
• арт. 352 КК (неправамернае завалоданне камп'ютарнай інфармацыяй).

Утрымліваўся ў СІЗА да суда.

25 лістапада 2021 распачаўся суд, які па хадайніцтве пракуроркі Наталлі Сакаловай "у мэтах бяспекі сям'і пацярпелага і яго асабістых дадзеных, а таксама ў мэтах нераспаўсюду экстрэмісцкіх матэрыялаў" вырашылі праводзіць у закрытым рэжыме і на якім стала вядома, што Аляксею інкрымінуюць яшчэ чатыры артыкулы КК: 

• ч. 1 арт. 366 (гвалт альбо пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак);
• арт. 365 (умяшанне ў дзейнасць супрацоўніка органаў унутраных спраў);
• арт. 198 (перашкода законнай прафесійнай дзейнасці журналіста);
• арт. 389 (пагроза ў дачыненні да суддзі або народнага засядацеля).

8 лютага 2022 у Мінскім гарадскім судзе агучылі прысуд Аляксею Бычкоўскаму і Арцёму Пархамовічу. Суддзя Святлана Бандарэнка асудзіла іх па васьмі артыкулах Крымінальнага кодэкса да 11 гадоў калоніі ўзмоцненага рэжыму кожнага.

У сярэдзіне сакавіка з'явілася інфармацыя аб пераводзе Аляксея з СІЗА-1 у СІЗА магілёўскай турмы №4.

Вярхоўны суд 29 красавіка 2022 г. разглядзеў апеляцыйныя скаргі Аляксея Бычкоўскага і Арцёма Пархамовіча на прысуд Мінгарсуда. Суд пастанавіў пакінуць прысуды ў сіле.

На пачатку чэрвеня 2022 г. Аляксея этапавалі з Турмы № 4 у бабруйскую ПК № 2.

Двух экс-супрацоўнікаў "Белтэлекама" асудзілі да 11 гадоў калоніі. Іх збівалі пры затрыманні

"Мужа збілі, калацілі да паўсмерці пры затрыманні. Бо я гаварыла з тымі, хто бачыў яго пасля затрымання, муж быў у жудасным стане, па іх словах. Я не хачу нават гаварыць, што з ім рабілі — гэта проста прыніжальна для яго. Але, мне сказалі, яго білі электрашокерам, ён губляў прытомнасць… Дзе яго білі, я не ведаю. Але я гаварыла з калегамі мужа, яны расказалі, што сілавікі пасадзілі яго ў бус — і машына яшчэ даволі доўга стаяла проста ля будынка "Белтэлекама" на Матусевіча. Пасля толькі яго даставілі ў Следчы камітэт. А сам муж напісаў у адным з лістоў пра дарогу ў СК: "Я думаў, што проста не даеду".

Палітычны зняволены апладзіраваў суддзі. Тая зрабіла пасяджэнне закрытым

25 лістапада пачаўся суд па справе адразу дваіх палітычнымі зняволеных - Аляксея Бычкоўскага і Арцёма Пархамовіча.