Сяргей Віктаравіч Франчук — стрыечны брат прадстаўніка палка Кастуся Каліноўскага Вадзіма Кабанчука. Быў затрыманы 9 жніўня 2022 года. Вядома, што яго забралі з кватэры бацькоў у Бабруйску, дзе мужчына жыў апошнім часам. У гэты дзень бацькі Сяргея былі на лецішчы, і 5 чалавек з мінскага АМАПу ўварвалася ў кватэру, ударылі яго пісталетам па галаве, правялі вобшук, забралі мабільны тэлефон, ноўтбук і самога Сяргея Франчука.

Сяргей мае інваліднасць 3 групы.

Ён быў асуджаны на 15 сутак нібыта за непадпарадкаванне. Таксама з'явілася пакаяльнае відэа, дзе Франчук прызнаецца, што ўдзельнічаў у акцыях пратэсту 2020 году і рабіў каментары ў "экстрэмісцкіх" Telergam-чатах. Пры гэтым лоб мужчыны быў залеплены. Пасля заканчэння арышту Сяргея не выпусцілі на волю, а накіравалі ў мінскі ізалятар на Акрэсціна.

Яму выставілі абвінавачванні паводле крымінальнай справы аб групавых дзеяннях, што груба парушаюць грамадскі парадак (арт. 342 Крымінальнага кодэксу), і перавялі ў СІЗА-1.

У сакавіку 2023 г. стала вядома, што Сяргея абвінавачваюць паводле чатырох артыкулаў — яму дадалі арт. 368 КК (абраза Лукашэнкі), арт. 369 КК (абраза прадстаўніка ўлады) і арт. 130 КК (распальванне варожасці).

Справу палітвязня пачалі разглядаць у Мінгарсудзе 20 красавіка 2023 г. Дзяржаўны абвінаваўца Раманенка прасіў для Сяргея Франчука тры гады пазбаўлення волі ў калоніі ва ўмовах агульнага рэжыму. Менавіта такое пакаранне і прызначыў Сяргею 27 красавіка суддзя Яўген Пісарэвіч.

У сярэдзіне траўня 2023 г. стала вядома, што палітзняволены знаходзіцца ў СІЗА-5.

Разгляд апеляцыйнай скаргі палітвязня была прызначана на 27 чэрвеня ў Вярхоўным судзе.

Новы суд над Франчуком пачаўся яшчэ ў траўні 2023 г., аднак у працэсе быў абвешчаны перапынак да моманту разгляду ягонай апеляцыйнай скаргі на папярэдні прысуд. 

4 ліпеня 2023 г. у судзе Бабруйскага раёна і горада Бабруйска ў закрытым судзе Вольга Серакова прызнала палітвязня вінаватым паводле ч. 1 арт. 368 Крымінальнага кодэкса (абраза Аляксандра Лукашэнкі) і дадала яшчэ паўгода да першага прысуду, у выніку – тры з паловай гады пазбаўлення волі ў калоніі ва ўмовах агульнага рэжыму.

28 верасня 2023 г. у Магілёўскім абласным судзе на закрытым пасяджэнні была разгледжана апеляцыйная скарга Сяргея. Суддзя Алена Картавенка.

14 ліпеня 2023 г. МУС унесла палітвязня ў "спіс экстрэмістаў".

Адбывае тэрмін у ПК № 1. 

У Бабруйску асудзілі палітвязня Сяргея Франчука і дадалі яшчэ паўгады калоніі

Новы суд над Франчуком пачаўся яшчэ ў траўні, аднак у працэсе быў абвешчаны перапынак да моманту разгляду ягонай апеляцыйнай скаргі на папярэдні прысуд.

Колькі і прасіў пракурор: у Мінску асудзілі Сяргея Франчука

Стрыечны брат намесніка камандзіра палка Кастуся Каліноўскага Вадзіма Кабанчука. Быў затрыманы 9 жніўня 2022 года. Вядома, што яго забралі з кватэры бацькоў у Бабруйску, дзе мужчына жыў апошнім часам. У гэты дзень бацькі Сяргея былі на лецішчы, і 5 чалавек з мінскага АМАПу ўварвалася ў кватэру, ударылі яго пісталетам па галаве, правялі вобшук, забралі мабільны тэлефон, ноўтбук і самога Сяргея Франчука.

У Мінску судзяць стрыечнага брата намесніка камандзіра палка Каліноўскага Вадзіма Кабанчука: пракурор просіць тры гады калоніі

Паводле абвінавачання, Франчук у адным з тэлеграм-чатаў пакінуў абразлівыя каментары ў адрас Юрыя Караева і Аляксандра Лукашэнкі. Таксама 27 верасня 2020 года прымаў актыўны ўдзел у несанкцыянаваным масавым мерапрыемстве ў Мінску на вуліцы Багдановіча, выходзіў на праезную частку вуліцы, парушаў працу грамадскага транспарта. У якасці доказу выкарыстаныя фотаздымкі, знойдзеныя ў ягоным тэлефоне.