Сяргей Думава

Дата нараджэння: 9 студзеня 1986

Дата затрымання: 22 сакавіка 2021

Прад'яўленыя абвінавачванні:

ч. 1 арт. 293 Крымінальнага кодэксу - Арганізацыя масавых беспарадкаў
ч. 3 арт. 293 Крымінальнага кодэксу - Навучанне ці іншая падрыхтоўка асоб для ўдзелу ў масавых беспарадках, альбо фінансаванне гэтай дзейнасці
арт. 341 Крымінальнага кодэксу - Апаганьваньне будынкаў і псаванне маёмасці

Вынік суда: 9 гадоў

Від пакарання: пазбаўленне волі ў калоніі ўзмоцненага рэжыму

Суддзя: Юрчанка Міхаіл

Месца зняволення: СІЗА-2

Сяргей Уладзіміравіч Думава - жыхар Віцебска, абвінавачаны паводле трох артыкулах Крымінальнага кодэксу: ч. 1 арт. 293 КК (Арганізацыя масавых беспарадкаў), ч. 3 арт. 293 КК (Навучанне масавым беспарадкам), арт. 341 КК (Апаганьванне збудаванняў і псаванне маёмасці).

Паводле абвінавачання, мужчына з дапамогай айфона і планшэту ажыццяўляў у сеціве распаўсюд інфармацыі аб правілах і спосабах перасоўвання ў ходзе несанкцыянаваных масавых беспарадкаў, выкарыстання асабістых транспартных сродкаў для перашкоды дзеянням супрацоўнікам праваахоўных органаў. Збіраў і распаўсюджваў інфармацыю аб месцах размяшчэння і маршрутах руху супрацоўнікаў МУС. У перыяд ад 1 кастрычніка да 22 сакавіка займаўся дзейнасцю скіраванай на «сістэматычнае псаванне маёмасці». З выкарыстаннем аэразольнай фарбы наносіў на маёмасць УП «Віцебскводаканал» надпісы: «Жыве Беларусь!», «3 %», « Чырвоны партызан», «Сыходзь» ды інш.

17 верасня Сяргею Думаве быў вынесены прысуд: 9 гадоў і 15 сутак пазбаўлення волі ў калоніі ўзмоцненага рэжыму.

Суд у Віцебску зрабілі закрытым праз апублікаваны фотаздымак абвінавачанага

13 жніўня ў судзе Першамайскага раёну Віцебску пачаўся судовы працэс над 35-гадовым віцяблянінам Сяргеем Думавам, паведамляе "Віцебская Вясна". Супраць яго выставілі абвінавачанні ў трох артыкулах Крымінальнага кодэксу. Паводле ч. 1 арт. 293 КК Думаве пагражае да 15 гадоў пазбаўлення волі. Яго таксама вінавацяць паводле ч. 1 арт. 13 КК, ч.3 арт. 293 КК, арт. 341 КК.

Віцябляніна асудзілі больш чым на 9 гадоў паводле «пратэстных» артыкулаў. Суд быў закрытым

17 верасня суд Першамайскага раёну Віцебску вынес жыхару абласнога цэнтру Сяргею Думаве прысуд – 9 гадоў і 15 сутак пазбаўлення волі ў калоніі ўзмоцненага рэжыму, паведамляе "Віцебская Вясна".

Адрас для лістоў: СІЗА-2. 210026, г. Віцебск, вул. Гагарына, 2

Палітвязні знаходзяцца па адрасах: