Руслан Уладзіміравіч Кузьміч — жыхар Навагрудку, быў затрыманы 7 кастрычніка 2021 года ў межах крымінальнай справы за каментар у тэлеграм-чаце. 

Яму выставілі абвінавачванне па арт. 361-4 Крымінальнага кодэксу (Садзейнічанне экстрэмісцкаму фармаванню) і змясцілі ў СІЗА-6.

У студзені 2022 г. Руслан быў асуджаны да трох гадоў зняволення ў калоніі агульнага рэжыму.

2 жніўня 2022 г. адбыўся яшчэ адзін суд над Русланам Кузьмічом паводле арт. 369 КК (абраза прадстаўніка ўлады) і арт. 370 КК (знявага дзяржаўных сімвалаў). Суддзя Ігар Ваўчок прызначыў палітвязню яшчэ 6 месяцаў зняволення — такім чынам, сукупна ён пакараны зняволеннем у калоніі ва ўмовах агульнага рэжыму тэрмінам на тры з паловай гады зняволення.

Палітвязень адбывае пакаранне ў шклоўскай ПК № 17.

Палітвязня асудзілі да трох гадоў калоніі за адзін каментар

Паводле звестак следства, 3 кастрычніка 2021 года ў адным з "дэструктыўных тэлеграм-каналаў" ён пакінуў каментар "у падтрымку экстрэмісцкай дзейнасці і выкарыстання зброі" пад відэа, у якім дэманструецца выкарыстанне зброі.