Ігар Юр'евіч Салавей вучыўся па праграме Каліноўскага ў Польшчы на спецыяльнасці палітолаг-журналіст, у 2006 годзе збіраў подпісы за Аляксандра Мілінкевіча і атрымаў 10 сутак за "Плошчу".

Быў затрыманы па справе аб масавых беспарадках у Пінску.

Пазней Ігару Салаўю было прад’яўленае абвінавачванне па арт. 293 Крымінальнага кодэкса.

Суддзя Маскоўскага раёна Брэста Яўген Брэган 30 красавіка 2021 года вынес прысуд па крымінальнай справе па ч. 2 арт. 293 Крымінальнага кодэкса супраць 14 пінскіх палітвязняў, якіх абвінавацілі ва ўдзеле ў масавых беспарадках у ноч з 9 на 10 жніўня ў Пінску. Ігара Салаўя асудзілі да 6 гадоў калоніі ўзмоцненага рэжыму. 

26 студзеня 2022 ў бабруйскай папраўчай калоніі №2 адбылося судовае пасяджэнне, у выніку якога пінскаму палітвязню на 2 гады змянілі рэжым на строгі турэмны, нібыта за сістэматычнае парушэнне дысцыпліны.

Пасля гэтага Ігар быў пераведзены з ПК № 2 у жодзінскую турму (СТ № 8). 

Маці палітвязня з Пінска: "Шмат хто кажа дзякуй, што выхавала такога цудоўнага сына"

Герой "пінскай справы" Ігар Салавей — кіроўца аўтобуса, які не ўмее крывадушнічаць. Ягоная маці распавяла, што сын з дзяцінства не выносіць хлусні.

14 палітвязняў "пінскай справы" пазбавілі волі на тэрміны ад 5,5 да 6,5 гадоў

Суд Маскоўскага раёна Брэста 30 красавіка вынес прысуд па крымінальнай справе па ч. 2 арт. 293 Крымінальнага кодэкса супраць 14 пінскіх палітвязняў, якіх абвінавацілі ва ўдзеле ў масавых беспарадках у ноч з 9 на 10 жніўня ў Пінску. Пацярпелымі па справе выступілі 109 супрацоўнікаў міліцыі і чыноўнікаў, якія ў агульнай суме патрабуюць ад палітзняволеных каля 530 тысяч рублёў кампенсацыі.

"Выцягвае дрот з гумовых БелАЗаўскіх колаў за 4 рублі ў месяц"

Навіны пра Ігара Салаўя распавядае ягоная маці Марыя.