Радзівон Уладзіміравіч Качаткоў скончыў БНТУ ў Мінску, ва ўніверсітэцкія гады захапляўся баскетболам і стрытболам. Затым некаторы час жыў за мяжой, а пасля вырашыў вярнуцца ў Беларусь. Неўзабаве, 6 снежня 2022 года, яго затрымаў ГУБАЗіК. Каментары, якія залічваюцца яму ў віну, датаваныя 2020 годам. Яго абвінавацілі ў распальванні іншай сацыяльнай варожасці і варжнечы паводле ч.1 арт. 130 Крымінальнага кодэкса.

На пасяджэнні 21 лютага пракурор запрасіў у якасці пакарання Качаткову 2 гады 6 месяцаў пазбаўлення волі ў калоніі ва ўмовах агульнага рэжыму.

Брэсцкі абласны суд 23 лютага 2023 года прызначыў яму пакаранне ў выглядзе пазбаўлення волі на тэрмін два гады і шэсць месяцаў з адбываннем пакарання ў папраўчай калоніі ва ўмовах агульнага рэжыму. Справу разглядаў суддзя Сяргей Беразюк,  дзяржабвінаваўца – пракурор Генадзь Буры.

Разгляд апеляцыйнай скаргі адбыўся 21 красавіка 2023 г. у Вярхоўным судзе. Месца адбыцця пакарання ўдакладняецца (да гэтага суда Радзівона ўтрымлівалі ў СІЗА-7). 

МУС дадала палітзняволенага ў "спіс экстрэмістаў" 28 красавіка 2023 г.

12 траўня 2023 г. КДБ унёс Радзівона ў спіс асобаў, "датычных да тэрарыстычнай дзейнасці".

Адбывае тэрмін у ПК № 2. 

У Брэсце за распальванне сацыяльнай варожасці асудзілі Радзівона Качаткова

Брэсцкім абласным судом 23 лютага разгледжаная крымінальная справа ў дачыненні да 28-гадовага Радзівона Качаткова, абвінавачанага ў распальванні іншай сацыяльнай варожасці і варжнечы паводле ч.1 арт. 130 Крымінальнага кодэкса.