Ігар Аляксеевіч Ярмолаў — валанцёр штаба Віктара Бабарыкі. Кіраўнік школы танцаў Dance Cafe.

Паводле інфармацыі ад бацькоў, ён быў збіты, да 18 жніўня знаходзіўся ў вайсковым шпіталі, яму была праведзеная аперацыя.

18 жніўня 2020 года яго перавялі ў СІЗА КДБ, а пазней — у СІЗА-1 у Мінску. Яму было прад’яўленае абвінавачванне па ч. 1 арт. 13 і ч. 2 арт. 293 Крымінальнага кодэкса (падрыхтоўка да масавых беспарадкаў) і ч. 3 арт. 293 КК (іншая падрыхтоўка асоб да ўдзелу ў масавых беспарадках).

10 чэрвеня 2021 года суддзя Святлана Бандарэнка вынесла прысуд: пакараць Ігара Ярмолава па ч. 1 арт. 13 ч. 2 арт. 293 КК пазбаўленнем волі тэрмінам на 5 гадоў, а па ч. 3 арт. 293 КК — на 3 гады. Канчаткова прызначыць пакаранне ў выглядзе пазбаўлення волі тэрмінам на 5 гадоў ва ўмовах узмоцненага рэжыму.

Пры канцы чэрвеня 2022 г. стала вядома аб пераводзе Ігара з ПК № 17 у ПК № 3 (Віцьба).

"Убачымся на новым судзе! Вы за ўсё адкажаце!" За падрыхтоўку да масавых беспарадкаў, якіх не было, палітвязняў асудзілі на 5 гадоў калоніі кожнага

У судзе Маскоўскага раёна г. Мінска 10 чэрвеня агучылі прысуд ў дачыненні да валанцёраў штаба Бабарыкі, палітзняволеных Ігара Ярмолава, Дзмітрыя Канапелькі, Уладзіслава Карэцкага і Мікалая Сасева.

"Ні перад людзьмі, ні перад Богам маёй віны няма, і сумленне маё чыстае". Дзмітрый Канапелька ў апошнім слове ўзгадаў рэпрэсаванага прадзеда

У судзе Маскоўскага раёна па крымінальнай справе супраць валанцёраў штаба Бабарыкі 8 чэрвеня з апошнім словам выступіў дырэктар IT-кампаніі Дзмітрый Канапелька.

"Проста тут і цяпер вырашаецца мой лёс і лёс маіх сяброў". Ігар Ярмолаў і Мікалай Сасеў выступілі з апошнім словам у судзе

28 траўня ў судзе Маскоўскага раёна г. Мінска абвінавачаныя па крымінальнай справе аб лазерных указках выступілі з апошнім словам.

"Чаму тады не казаць, што ўказкі – для здзяйснення акту тэрарызму?" Аргументы абароны ў спрэчках бакоў па справе валанцёраў штаба Бабарыка

Ніякіх доказаў таго, што абвінавачаныя дзейнічалі сумесна, узгоднена з мэтай іншага матэрыяльнага забеспячэння і ўдзелу ў масавых беспарадках у матэрыялах справы няма.

У судзе па справе аб "лазерных указках" прайшлі спрэчкі бакоў

Пракурор прасіў прызнаць Ігара Ярмолава, Уладзіслава Карэцкага, Мікалая Сасева і Дзмітрыя Канапельку вінаватымі і прызначыць пакаранне ў выглядзе пазбаўлення волі на тэрмін 5 гадоў ва ўмовах узмоцненага рэжыму.

"Мусара – гэта нешта непатрэбнае. І гэта людзі, якія заслугоўваюць такога абазначэння". Суд вывучыў матэрыялы па справе валанцёраў штаба Бабарыкі

Трэцяе пасяджэнне запар суд вывучае пісьмовыя матэрыялы — 10 тамоў — і рэчавыя доказы па справе. Сярод апошніх — кепкі, заплечнікі, пальчаткі, маска з тканіны, канфіскаваныя ў Ярмолава накаленнікі і накладкі на галёнкі для спартыўных трэніровак, шэсць лазерных указак, тэлефоны, ключы ад машыны і камп'ютарная тэхніка. Ні "вожыкаў", ні сталярных малаткоў, пра якія ішла гаворка ў судзе, у рэчдоках няма.

"У сваёй прафесійнай дзейнасці я засветы раблю пастаянна". Пра што распавяла ўрач-афтальмолаг у судзе па справе аб лазерных указках?

5 траўня ў судзе Маскоўскага раёна г. Мінска па крымінальнай справе палітвязняў Ігара Ярмолава, Мікалая Сасева, Уладзіслава Карэцкага і Дзмітрыя Канапелькі выступіла сведка — урач-афтальмолаг шпіталя МУС Інэса Вайцяховіч, якая распавяла, як лазерныя прамяні могуць уздзейнічаць на вочы.

Сведка Юрый Васкрасенскі ўжо двойчы не з'явіўся ў суд па справе валанцёраў штаба Бабарыка

У судзе Маскоўскага раёна працягваецца разгляд крымінальнай справы ў дачыненні да валанцёраў штаба Віктара Бабарыка, палітвязняў Дзмітрыя Канапелькі, Ігара Ярмолава, Мікалая Сасева і Уладзіслава Карэцкага.

Малаткамі адкалупваць плітку, лазернымі ўказкамі свяціць у сілавікоў. У судзе аб масавых беспарадках выступіў яшчэ адзін сведка

21 красавіка ў рамках судовага працэсу па абвінавачванні палітвязняў Дзмітрыя Канапелькі, Ігара Ярмолава, Мікалая Сасева і Уладзіслава Карэцкага ў масавых беспарадках у якасці сведкі быў апытаны ўладальнік офіса па вул. Чэхава, 3 - Сяргей Лаўрыненка.

"Высновы аб выніках выбараў зрабіў на аснове статыстычных дадзеных, асабістым вопыце і здаровым сэнсе". Пра што ў судзе казаў Канапелька

19 красавіка ў працэсе працягнулі зачытваць пратаколы допытаў Уладзіслава Карэцкага з-за разыходжанняў у паказаннях абвінавачанага падчас папярэдняга следства і ў судзе. Пасля быў дапытаны чацвёрты фігурант справы — Дзмітрый Канапелька.

На судзе па справе аб "лазерных указках" Уладзіслаў Карэцкі даў паказанні

Палітвязень распавёў, што з Ігарам Ярмолавым знаёмыя каля года, пазнаёміліся на танцавальным мерапрыемстве, з Мікалаем Сасевым пазнаёміўся дзесьці за месяц да 9 жніўня, а з Дзмітрыем Канапелькам у дзень выбараў прэзідэнта. На масавыя мерапрыемствы 9, 10 і 11 жніўня выходзіў з іншымі фігурантамі справы, але закон не парушаў.

"З маіх рук ні адзін чалавек не атрымаў ніводнага прадмета". Пра што казаў у судзе палітвязень Мікалай Сасеў

Наступным у зале быў дапытаны Мікалай Сасеў. Ён распавёў пра падзеі тых дзён: чуў аб планаваных пратэстах пасля выбараў і дамовіўся сустрэцца з Ігарам Ярмолавым а 20-й гадзіне 9 жніўня.

Масавыя беспарадкі з дапамогай лазерных указак? Як праходзіць суд над валанцёрамі штаба Бабарыкі

Раніцай 13 красавіка судовае пасяджэнне пачалося з допыту абвінавачаных. Першым дапытвалі Ігара Ярмолава.

Маналогі жанчын, чые блізкія пацярпелі падчас пратэстаў

"Я выхоўвала Ігара як справядлівага, сумленнага, прыстойнага чалавека. І ён вырас менавіта такім: у каго ні спытай — усё адклікаюцца пра яго толькі станоўча. Мой сын — не крымінальнік!"