Вячаслаў Алегавіч Негадзенка — стаматолаг, асуджаны Гомельскім абласным судом па ч. 1 арт. 364-1 (Садзейнічанне экстрэмісцкай дзейнасці), ч. 1 арт. 328 (Незаконны абарот наркатычных сродкаў без мэты збыту) Крымінальнага кодэкса. 7 чэрвеня 2023 года справу разгледзеў суддзя Вадзім Бабыроў.

Вячаслаў грамадзянін Украіны з відам на жыхарства ў Беларусі. 

15 верасня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Адбывае тэрмін у ПК № 1. 

Вячаслаў – ураджэнец Украіны. Прыкладна ў 2011 г. разам з бацькамі пераехаў у Гомель. Закончыў стаматалагічны факультэт Беларускага дзяржаўнага медычнага ўніверсітэта ў Мінску па спецыяльнасці стаматалогія. З 2017 г. працаваў стаматолагам-хірургам у Брагінскай цэнтральнай раённай бальніцы, добра зарэкамендаваў сябе ў калектыве і сярод пацыентаў.