Павел Кучынскі
Палітвязень
Дата нараджэння: 2 сакавіка 1992
Дата затрымання: 5 верасня 2022
Прад'яўленыя абвінавачванні:
- ч. 3 арт. 293 Крымінальнага кодэкса — Навучанне ці іншая падрыхтоўка асоб для ўдзелу ў масавых беспарадках, альбо фінансаванне гэтай дзейнасці
- арт. 295 Крымінальнага кодэкса — Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў
- арт. 356 Крымінальнага кодэкса — Здрада дзяржаве
- арт. 309 Крымінальнага кодэкса — Наўмыснае прывядзенне ў непрыдатнасць транспартнага сродку або шляхоў зносін
- арт. 295-3 Крымінальнага кодэкса — Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў
- арт. 289 Крымінальнага кодэкса — Акт тэрарызму
- арт. 290-4 Крымінальнага кодэкса — Стварэнне арганізацыі для ажыццяўлення тэрарыстычнай дзейнасці або ўдзел у ёй
- арт. 290 Крымінальнага кодэкса — Пагроза здзяйсненнем акту тэрарызму
Вынік суда: 19 гадоў
Від пакарання: пазбаўленне волі ў калоніі ва ўмовах узмоцненага рэжыму
Суддзя: Рыбакоў Аляксандр
Групы: Ваенныя
Заява аб прызнанні палітвязнем
Паўла Яўгенавіча Кучынскага затрымалі прыкладна напачатку верасня 2022 года. Тады арганізацыя BYPOL пісала, што Кучынскі быў затрыманы ў сувязі з верагодным дачыненнем да справы "інкасатараў":
"Спецслужбы пад катаваннямі прымусілі яго ўдзельнічаць у правакацыі, у рамках якой апошні выйшаў на сувязь з прадстаўнікамі BYPOL і прапанаваў здзейсніць акцыі прамога дзеяння. Усе перамовы і перапіска фіксавалася".
Паўлу выставілі абвінавачванні паводле сямі артыкулаў Крымінальнага кодэкса:
- ч. 1 арт. 356 — "Здрада дзяржаве";
- ч. 2 арт. 295-3 — "Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў";
- ч. 2 арт. 290-5 — "Арганізацыя дзейнасці тэрарыстычнай арганізацыі і ўдзел у дзейнасці такой арганізацыі";
- ч. 4 арт. 295 — "Незаконныя дзеянні ў адносінах да агнястрэльнай зброі, боепрыпасаў і выбуховых рэчываў";
- ч. 2 арт. 290-4 — "Стварэнне арганізацыі для ажыццяўлення тэрарыстычнай дзейнасці або ўдзел у ёй";
- ч. 3 арт. 289 — "Акт тэрарызму";
- ч. 1 арт. 309 — "Наўмыснае прывядзенне ў непрыдатны для эксплуатацыі стан сродкаў чыгуначнага транспарту".
Працэс над ім распачаўся 4 кастрычніка ў Мінскім абласным судзе. Суддзём па справе быў прызначаны Аляксандр Рыбакоў — былы старшыня суда Лагойскага раёна. Менавіта ён у 2021 годзе вёў першы суд па "справе Ціханоўскага".
15 снежня Кучынскаму вынеслі прысуд — 19 гадоў пазбаўлення волі ва ўмовах узмоцненага рэжыму.
19 сакавіка 2024 г. разглядалася апеляцыйная скарга Паўла. Старшыня судовай камісіі Мікалай Грынцэвіч.
29 сакавіка 2024 г. унесены МУС у "спіс экстрэмістаў".
Былога вайскоўца Паўла Кучынскага асудзілі да 19 гадоў зняволення
Былога вайскоўца будуць судзіць паводле сямі крымінальных артыкулаў, у тым ліку за "акт тэрарызму"
