Дзмітрый Іванавіч Малочка 27 лістапада, а пасля і 11 снежня 2023 года быў затрыманы і асуджаны па ч. 2 арт. 19.11 КаАП (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую ​​дзейнасць). Суддзі — Падалянец Арцём і Мікалай Кміта.

Утрымліваўся ў ІЧУ Баранавіцкага ГАУС. Пасля была заведзеная крымінальная справа, і яго перавялі ў СІЗА -7 г. Брэста.

Да затрымання займаўся рамесніцтвам, быў самазанятым. Разам з ім была асуджаная Малочка Аксана Віктараўна. У пары трое дзяцей — сын і дзве дачкі.

Брэсцкі абласны суд у закрытым рэжыме пачаў разглядаць крымінальную справу 24 ліпеня 2024 года. Дзмітрый асуджаны да 12 год калоніі. 

27 верасня 2024 г. у Вярхоўным судзе разгледзелі апеляцыйную скаргу Дзмітрыя, старшыня судовай калегіі Павел Каршуновіч.

Сям'ю з Баранавічаў асудзілі на вялікія тэрміны за "здраду дзяржаве"

У Брэсцкім абласным судзе некалькі месяцаў таму асудзілі палітзняволеных мужа і жонку Дзмітрыя і Аксану Малочкаў. Іх прызналі вінаватымі паводле ч. 1 арт. 356 Крымінальнага кодэкса (здрада дзяржаве). Суд прызначыў Дзмітрыю 12 гадоў пазбаўлення волі, а Аксане — восем гадоў. На волі ў іх засталіся трое дзяцей.