Надзея Анатольеўна Лапцёнак была асуджана ў Мінскім гарадскім судзе па ч. 1 арт. 130 (Распальванне іншай сацыяльнай варожасці), ч. 3 арт. 361 (Заклікі да мераў абмежавальнага характару (санкцый), ч. 3 арт. 361-1 (Удзел у экстэмісцкім фармаванні), ч. 1 арт. 368 (Абраза Лукашэнкі), арт. 369 (Абраза прадстаўніка ўлады) і арт. 391 (Абраза суддзі) Крымінальнага кодэкса.

Справу з 11 па 26 снежня 2023 года разгледзеў суддзя Сяргей Кацэр. Жанчыне прысудзілі 6 гадоў пазбаўлення волі і штраф у памеры 200 базавых велічынь.

Згодна з прысудам, Надзея "з 10 ліпеня 2021 года ўвайшла і па 4 студзеня 2023 года знаходзілася ў складзе экстрэмісцкіх фармаванняў "Рэальная Беларусь" і "Мая Краіна Беларусь". Для ажыццяўлення экстрэмісцкай дзейнасці яна размясціла ў падкантрольных названым фармаванням чатах не менш за 3 033 паведамленні і каментарыі, з якіх 199 утрымлівалі абразы кіраўніка дзяржавы, суддзі, прадстаўнікоў улады ў сувязі з выкананнем імі службовых абавязкаў, а таксама заклікі, накіраваныя на распальванне сацыяльнай варожасці і варожасці, прычыненне шкоды нацыянальнай бяспецы".

Вядома, што Надзея мае двух дарослых дачок і непоўнагадовага сына з інваліднасцю. 

На 1 сакавіка 2024 г. прызначаны разгляд апеляцыйнай скаргі Надзеі ў Вярхоўным судзе. Старшыня судовай камісіі Руслан Царук.

29 сакавіка 2024 г. унесена МУС у "спіс экстрэмістаў".

Пераведзена з СІЗА № 1 у ПК № 4.