Ганчарэнка Людміла Міхайлаўна грамадзянка Украіны, была асуджаная па арт. 358-1 КК (Агентурная дзейнасць) у Гомельскім абласным судзе. 19 снежня 2023 года справу ў закрытым рэжыме разгледзеў суддзя Яўген Шаршнёў. Ён прысудзіў Людміле 3 гады пазбаўлення волі ў калоніі агульнага рэжыму. 

22 сакавіка 2024 г. унесена МУС у "спіс экстрэмістаў". 

Адбывала свой тэрмін у жаночай калоніі № 4.

Увечары 28 чэрвеня 2024 года з'явілася раптоўная звестка аб вызваленні з беларускіх калоній пяці палітзняволеных. Украінcкія ўлады дабіліся вызвалення сваіх грамадзян па абмене як палонных. Так на волі апынуліся Наталля Захаранка, Павел Купрыенка, Людміла Ганчарэнка, Кацярына Бруханава, а таксама фігурант "справы ў Мачулішчах" Мікалай Швец. Умовы абмену не паведамляюцца. Адзначаецца, што ўдзел у вызваленні прыняў Ватыкан. Вызваленых палітвязняў даставілі ва Украіну 28 чэрвеня — у СМІ з'явілася іх фота з аэрапорта "Жуляны".

Пяцёх палітзняволеных грамадзян Украіны вызвалілі па абмену. Распавядаем, што вядома пра іх

"Вясна" распавядае пра вызваленых палітвязняў.