Кацярына Андрэеўна Бахвалава (Андрэева) — журналістка тэлеканала "Белсат". 

Разам з журналісткай Дар'яй Чульцовай стала фігуранткай крымінальнай справы аб арганізацыі дзеянняў, якія груба парушаюць грамадскі парадак (арт. 342 Крымінальнага кодэкса), пасля прамога эфіру з месца жорсткага разгону сілавікамі дэманстрантаў на "Плошчы Пераменаў" у Мінску 15 лістапада 2020 г.

Пасля сямі сутак адміністрацыйнага арышту яна не выйшла на волю. Кацярыну перавялі ў ізалятар у Жодзіне.

18 лютага 2021 года асуджаная на два гады пазбаўлення волі з накіраваннем у папраўчую калонію агульнага рэжыму. 

10 лютага 2022 Кацярыну перавялі з папраўчай калоніі № 4 у гомельскі СІЗА ў сувязі з "працэсуальнымі дзеяннямі".

7 красавіка 2022 года стала вядома, што журналістцы выстаўлена новае абвінавачванне — у "здрадзе дзяржаве" (ч. 1 арт. 356 Крымінальнага кодэксу). Справу ў закрытым рэжыме 4 ліпеня 2022 пачаў разглядаць суддзя Гомельскага абласнога суду Алег Харошка. 13 ліпеня ён прызначыў Кацярыне 8 гадоў і 3 месяцы ў калоніі ва ўмовах узмоцненага рэжыму. Палітзняволеная падала скаргу на прысуд. 20 верасня адбыўся разгляд апеляцыйнай скаргі, прысуд пакінулі без зменаў.

На пачатку кастрычніка 2022 г. Кацярыну этапавалі з СІЗА-3 у гомельскую ПК № 4. 

МУС уключыў палітзняволеную ў спіс "экстрэмістаў".

"Прасіла прывезці некалькі сукенак і вершы Бродскага". Муж зняволенай Кацярыны Бахвалавай згадвае іх спатканні

"Мы падчас доўгага спаткання хутка асвоіліся. Я прыгатаваў вячэру, сваю фірмовую страву — тарцілью з гароднінай і курыцай. У нейкі момант стварылася такая ідылічная абстаноўка, што падумалася: няхай бы нас нават у гэтым малюсенькім пакойчыку перанеслі куды-небудзь падалей ад людзей, ад гэтай цемры вакол, і больш нам нічога не будзе трэба — толькі б быць удваіх", — згадвае Ігар.

Журналістку Кацярыну Бахвалаву асудзілі да 8 гадоў зняволення за "здраду дзяржаве". Што вядома пра суддзю?

Справу разглядзелі за тры судовыя працэсы. "Вясна" распавядае, што вядома пра суддзю, які разглядаў гучную справу супраць палітзняволенай журналісткі.

Кацярыне Бахвалавай і Дар’і Чульцовай вынеслі прысуд: па два гады калоніі

17 лютага ў судзе Фрунзенскага раёну Мінску скончылі разглядаць крымінальную справу ў дачыненні да журналістак Белсат Кацярыны Бахвалавай і Дарʼі Чульцовай. Сёння суддзя Наталля Бугук агучыла вырак - два гады кожнай у калоніі агульнага рэжыму.

 

Два гады пазбаўлення волі запатрабаваў пракурор для журналістак Белсат

У судзе Фрунзенскага раёну Менску 17 лютага працягваецца разгляд справы журналістак «Белсату» Кацярыны Бахвалавай і Дар’і Чульцовай. Дзяўчат вінавацяць паводле ч. 1 арт. 342 Крымінальнага кодэксу.

 

Другі дзень суда над Кацярынай Бахвалавай і Дар’яй Чульцовай

У судзе Фрунзенскага раёну Менску 16 лютага адбылося другое пасяджэнне ў справе журналістак «Белсату» Кацярыны Бахвалавай і Дар’і Чульцовай, паведамляе Белсат.

 

Як праходзіць суд над журналісткамі "Белсат" Кацярынай Бахвалавай і Дар'яй Чульцовай

Пасяджэнне мусіла пачацца а 10:00, але затрымалася прыблізна на паўгадзіны. На суд пусцілі толькі акрэдытаваных журналістаў – карэспандэнты «Белсату» трапіць у залу не здолелі. Абмежаванне абгрунтавалі каронавірусам, аднак людзі, якія апынуліся па-за дзвярыма, казалі, што ў зале прысутнічала ўсяго каля 15–20 чалавек.

Хто такая журналістка Кацярына Бахвалава? Расказваюць яе муж і дзядуля

Журналістцы Кацярыне Бахвалавай 20 лістапада выставілі абвінавачанне па артыкуле ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак). Кацярына была затрыманая 15 лістапада, калі вяла стрым для «Белсата» з разгону «плошчы Перамен».