Юрый Сельвіч

Дата нараджэння: 19 траўня 1977

Дата затрымання: 28 лютага 2022

Прад'яўленыя абвінавачванні:

арт. 289 Крымінальнага кодэкса — Акт тэрарызму

Месца зняволення: СІЗА-3

Юрый Уладзіміравіч Сельвіч з Мазыра быў затрыманы і змешчаны пад варту па артыкуле арт. 13 і арт. 289 КК (Падрыхтоўка да тэрарызму).

Паводле звестак следства, Сяргей Пляшкун і Юрый Сельвіч планавалі знішчаць вайсковую тэхніку Расейскай Федэрацыі пры яе перамяшчэнні па тэрыторыі Мазырскага раёна. Для гэтага яны падрыхтавалі бутэлькі з запальнай сумессю. З відэасюжэту БТ вынікае, што сачылі за мужчынамі пільна: паказалі кадры са схаванай камеры ў гаражы, дзе мужчыны абмяркоўваюць свае планы. На запісы яны кажуць аб перспектывах пашкоджання рэек.

Пераслед і пошук "рэйкавых партызанаў" у Беларусі: што вядома на сёння

З пачатку ўварвання расейскай войскаў ва Украіну, у тым ліку з беларускай тэрыторыі, у Беларусі разгарнулася "рэйкавая вайна". Расейскія войскі выкарыстоўваюць інфраструктуру Беларускай чыгункі, а некаторыя беларусы спрабуюць гэтаму супрацьстаяць. Каб запаволіць і перашкодзіць рух расійскай ваеннай тэхнікі ва Украіну, беларусы выводзяць з ладу абсталяванне.