Аляксандр Анатольевіч Шабалін — сябра ініцыятыўнай групы Святланы Ціханоўскай у Гомелі. Ён мае вышэйшую эканамічную адукацыю. Апошнім часам працаваў таксістам. У Аляксандра і ягонай жонкі Марыны — чацвёра дзяцей: двойня — хлопчык і дзяўчынка, ім па 14 гадоў, 9-гадовы хлопчык і 8-гадовая дзяўчынка.

Увесну 2020 году Аляксандар далучыўся да каманды Сяргея Ціханоўскага. Збіраў подпісы ў падтрымку ягонай жонкі Святланы Ціханоўскай. Трапляў пад затрыманні.

7 чэрвеня 2020 года быў затрыманы ля свайго пад’езду і дастаўлены ў РАУС Цэнтральнага раёна. Аляксандр раніцай меўся ехаць на пікет па зборы подпісаў. У 11.30 калі ён выйшаў з пад’езда да яго падышлі некалькі супрацоўнікаў міліцыі і ўручылі яму позву, дзе ён выклікаўся ў якасці сведкі па нейкай крымінальнай справе. У РАУСе Навабеліцкага раёну ён быў апытаны па двум крымінальным справам, па якім ён нічога і нікога не ведаў.

«Было відавочна, што яны проста цягнуць час, — каментаваў Аляксандр, — а апытвалі проста для віду, насамрэч утрымлівалі мяне каб я не трапіў на пікет. Я лічу, гэта грубае парушэнне выбарчага заканадаўства – стварэння перашкодаў у дзейнасці збіральнікаў подпісаў. Я ж таксама знаходжуся пры выкананні сваіх грамадзянскіх абавязкаў. Наогул, па ўсёй краіне ідзе моцны ціск на сябраў ІГ С.Ціханоўскай: затрымліваюць прама на пікетах, беспадстаўна судзяць і арыштоўваць, штрафуюць, палохаюць людзей. Шэраг сябраў, якія нават пачалі збіраць подпісы адмовіліся, бо былі моцна спалоханы рэпрэсіямі ў дачыненні да прыхільнікаў Сяргея Ціханоўскага». 

Яму было прад'яўленае абвінавачванне па ч. 2 арт. 293 Крымінальнага кодэксу — "Арганізацыя масавых беспарадкаў" і арт. 292 — "Захоп будынкаў".

4 траўня 2021 суд Чыгуначнага раёну Гомеля агучыў прысуды па крымінальнай справе ў дачыненні давераных асоб Святланы Ціханоўскай — Таццяны Канеўскай, Юрыя Уласава, Дзмітрыя Івашкова і Аляксандра Шабаліна. Іх абвінавацілі ў «масавых беспарадках» і планах па «захопе будынкаў». Суддзя Аляксей Хлышчанкоў асудзіў Юрыя Уласава на 6,5 гадоў калоніі ўзмоцненага рэжыму, Таццяну Канеўскую — на 6 гадоў калоніі агульнага рэжыму, а Дзмітрыя Івашкова і Аляксандра Шабаліна — на 6 гадоў калоніі ўзмоцненага рэжыму. 

У Гомелі вынеслі прысуд давераным асобам Ціханоўскай, якія нібыта рыхтавалі пратэсты з "захопам выканкама"

4 траўня ў судзе Чыгуначнага раёну вынесеныя прысуды па крымінальнай справе ў дачыненні давераных асоб Святланы Ціханоўскай — Таццяны Канеўскай, Юрыя Ўласава, Дзмітрыя Івашкова і Аляксандра Шабаліна.

Гомель: Пачаўся суд над сябрамі ініцыятыўнай групы Святланы Ціханоўскай

Суд Чыгуначнага раёна Гомеля 12 красавіка пачаў разгляд гучнай крымінальнай справы, заведзенай на сябраў ініцыятыўнай групы кандыдаткі Святланы Ціханоўскай. На лаве падсудных - чацвёра.