Яўгена Сяргеевіча Глушкова абвінавацілі ў здрадзе дзяржаве (ч.1 арт. 356) і садзейнічанню экстрэмісцкай дзейнасці (ч.1 арт. 361-4 Крымінальнага кодэкса).

32-гадовы Яўген Глушкоў быў затрыманы ў жніўні 2022 года, з таго часу жыхара Гомельскага раёну трымаюць у СІЗА-3 Гомеля.

Гомельскі абласны суд 20 студзеня 2023 года ў закрытым рэжыме вынес прысуд. Яўгена Глушко суд прызнаў вінаватым у аказанні дапамогі замежнай дзяржаве, замежнай арганізацыі, іх прадстаўнікам у правядзенні дзейнасці, накіраванай на прычыненне шкоды нацыянальнай бяспецы Рэспублікі Беларусь і на падставе ч. 1 арт. 356 КК яму прызначана пакаранне ў выглядзе пазбаўлення волі на тэрмін 8 гадоў. Ён жа прызнаны вінаватым у іншым садзейнічанні экстрэмісцкай дзейнасці і на падставе ч. 1 арт. 361-4 КК яму прызначана пакаранне ў выглядзе пазбаўлення волі на тэрмін два гады.

Канчаткова прызначанае пакаранне ў выглядзе пазбаўлення волі на тэрмін дзевяць гадоў з адбываннем у папраўчай калоніі ва ўмовах узмоцненага рэжыму. Судовы працэс пачаўся яшчэ 3 студзеня 2023 г., суддзя – Алег Харошка.

Палітзняволены накіраваны ў ПК № 1 для адбывання пакарання.

Яўген — музыка, бубнач. Нарадзіўся ў горадзе Ічня, Чарнігаўскай вобласці ва Украіне. Пасля жыў у Расіі, вяртаўся ў Беларусь, жыў ва Украіне і зноў вярнуўся ў Беларусь. Вучыўся ў Ветэрынарнай акадэміі ў Віцебску, там працаваў мастацкім кіраўніком інструментальных калектываў.

За фота аэрадрома ў Зябраўцы абвінавацілі ў здрадзе дзяржаве і прысудзілі 9 год калоніі

Гомельскі абласны суд 20 студзеня ў закрытым рэжыме вынес прысуд жыхару вёскі Зябраўка Гомельскага раёна Яўгену Глушкову, абвінавачанаму ў здрадзе дзяржаве (ч.1 арт. 356) і садзейнічанню экстрэмісцкай дзейнасці (ч.1 арт. 361-4 Крымінальнага кодэкса).

У Гомелі пачынаецца суд за здымак аэрадрома ў Зябраўцы і здраду дзяржаве

Гомельскі абласны суд 3 студзеня пачынае разгляд крымінальнай справы жыхара вёскі Зябраўка Гомельскага раёна Яўгена Глушкова, якога падазраюць у здрадзе дзяржаве (ч.1 арт. 356) і садзейнічанню экстрэмісцкай дзейнасці (ч.1 арт. 361-1 Крымінальнага кодэкса).