Андрэй Аляксандраў

журналіст і медыяменеджар

Дата нараджэння: 27 студзеня 1978

Дата затрымання: 12 студзеня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 243 Крымінальнага кодэкса — Ухіленне ад выплаты сум падаткаў, збораў
арт. 361-1 Крымінальнага кодэкса — Стварэнне экстрэмісцкага фарміравання або ўдзел у ім
арт. 356 Крымінальнага кодэкса — Здрада дзяржаве

Месца зняволення: СІЗА-1

Заява аб прызнанні палітвязнем

Сімвалічны/ая хросны/ая: Крысцін Джардзін, дэпутатка брытанскай Палаты абшчын

Андрэй Валер'евіч Аляксандраў — беларускій журналіст і медыяменеджар.

Ён быў затрыманы 12 студзеня 2021 г. супрацоўнікамі МУС. Разам з ім была затрыманая яго дзяўчына Ірына Злобіна, з якой ён разам жыве.

15 студзеня ў афіцыйным паведамленні намеснік міністра ўнутраных спраў Рэспублікі Беларусь Генадзь Казакевіч заявіў, што Аляксандраў і Злобіна былі затрыманыя “па падазрэнні ў фінансаванні пратэстнай дзейнасці”. Па ягоных словах, Аляксандраў і Злобіна са жніўня 2020 года займалісь фінансаваннем асобаў, якія прымалі ўдзел у пратэстах у Мінске, у тым ліку шляхам аплаты штрафаў і кампенсаваннем сродкаў на ўтрыманне ў ЦІП і ІЧУ.”

Паводле паведамлення МУС, Аляксандраў с 22 жніўня па 9 лістапада аплаціў 250 штрафаў. Спісы і грошы на аплату штрафаў Аляксандраву перадаваў фонд BY Help.

Абодвух затрыманых змясцілі ў ІЧУ на Акрэсціна. Адтуль Аляксандрава перавялі ў СІЗА-1.

30 чэрвеня Аляксандраву выставілі новае абвінавачаньне — паводле ч. 1 арт. 356 Крымінальнага кодэксу (здрада дзяржаве). 27 жніўня Следчы камітэт паведаміў, што распачаў крымінальную справу паводле часткі 2 артыкула 243 Крымінальнага кодэксу ў адносінах да Андрэя Аляксандрава, Дзмітрыя Наважылава, Ірыны Леўшынай, «а таксама іншых асобаў».

4 красавіка стала вядома, што крымінальную справу ў дачыненні да Андрэя Аляксандрава, Ірыны Злобінай, Дзмітрыя Наважылава і Ірыны Леўшынай накіравалі ў суд.Андрэя Аляксандрава абвінавацілі паводле шэрагу артыкулаў Крымінальнага кодэксу:

ч.2 арт. 342 (Арганізацыя групавых дзеянняў, груба парушаючых грамадскі парадак і падрыхтоўка альбо навучанне такой дзейнасці);
ч. 1 арт. 356 (Здрада дзяржаве);
ч.1 арт. 361-1 (Удзел у экстрэмісцкім фарміраванні);
ч.2 арт. 243 (Ухіленні ад выплаты падаткаў і збораў).

У Міжнародны дзень пісьменніка ў зняволенні названыя 7 лаўрэатаў прэміі імя Аляхновіча

15 лістапада – Міжнародны дзень пісьменніка ў зняволенні. Штогод нацыянальныя ПЭН-цэнтры і іх сябры па ўсім свеце адзначаюць гэты дзень, каб падвысіць інфармаванасць насельніцтва аб несправядлівым зняволенні і іншых формах агрэсіі ў дачыненні да пісьменнікаў з розных краін, узгадваючы тых, хто быў забіты, і выказваючы салідарнасць са зняволенымі.

"АНДРЭЙ НЕ РАБІЎ НІЧОГА, ШТО МАГЛО НАШКОДЗІЦЬ БЕЛАРУСІ"

Андрэй Аляксандраў, вядомы беларускі журналіст і медыяменаджар, цяпер знаходзіцца ў СІЗА №1 у Мінску ў статусе абвінавачанага па крымінальнай справе. Таму яго гісторыю распавядаюць сябры і калегі.