Раман Багнавец

маналітчык

Палітвязень

Дата нараджэння: 1 жніўня 1984

Дата затрымання: 10 жніўня 2020

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках

Вынік суда: 6 гадоў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Брэган Яўген

Месца зняволення: ПК № 1

Справы: Пратэсты Пінск

Іншыя пазнакі: Сур’ёзныя праблемы са здароўем

Заява аб прызнанні палітвязнем

Сімвалічны(ая) хросны(ая): Клаус-Дытэр Гролер, дэпутат Бундэстага ад ХДС

Раман Анатольевіч Багнавец быў затрыманы ў Пінску ў межах крымінальнай справы аб масавых беспарадках. Яму было прад'яўлена абвінавачванне паводле ч. 2 арт. 293 Крымінальнага кодэкса — "Удзел у масавых беспарадках".

Суд Маскоўскага раёна Брэста 30 красавіка 2021 года вынес рашэнне па крымінальнай справе паводле ч. 2 арт. 293 Крымінальнага кодэкса супраць 14 пінскіх палітвязняў, якіх абвінавацілі ва ўдзеле ў масавых беспарадках у ноч з 9 на 10 жніўня 2020 года ў Пінску. Рамана Багнаўца асудзілі да 6 гадоў калоніі ўзмоцненага рэжыму.

«Як ім дараваць скрадзеныя гады і асірацелых дзяцей?» Гутарка з сястрой асуджанага ў «пінскай справе»

36-гадовы Раман Багнавец наступныя 6 гадоў свайго жыцця мае правесці ў калоніі ўзмоцненага рэжыму. На такі тэрмін за нібыта масавыя закалоты пінчука асудзіў берасцейскі суддзя Яўген Брэган. Гісторыя Рамана – чарговы прыклад таго, як жорсткімі выракамі руйнуюцца сем’і, калечацца лёсы дзяцей. Да арышту мужчына будаваў дом, пра які марыў усё жыццё. На будоўлі днямі прападаў з 9-гадовым сынам Арцёмам. Цяпер домам займаецца сястра Рамана, Арцём плача без таты, які ў кожным лісце піша, што не можа змірыцца, што не пабачыць сталенне сына ў самыя галоўныя для яго гады.

14 палітвязняў "пінскай справы" пазбавілі волі на тэрміны ад 5,5 да 6,5 гадоў

Пацярпелымі па справе выступілі 109 супрацоўнікаў міліцыі і чыноўнікаў, якія ў агульнай суме патрабуюць ад палітзняволеных каля 530 тысяч рублёў кампенсацыі. Свае маральныя пакуты пінскія міліцыянты абгрунтавалі тым, што яны «адчувалі страх, прыніжэнне, боль і сорам, праз перажытыя падзеі яны страцілі сон, спакой і апетыт, адчувалі і адчуваюць трывогу».

"Здымаў на тэлефон, у справе — кінуў палку ў АМАП"

Раман да арышту працаваў маналітчыкам у Мінску, а ў Пінск прыехаў напярэдадні выбараў па сямейных справах: трэба было аформіць дакументы пасля смерці маці. Сястра Рамана распавяла "Вясне", як яе брат аказаўся фігурантам справы аб масавых беспарадках.