Яўген Валер'евіч Бурло — удзельнік гурта "Тор-бэнд" з Рагачова. Яўгена затрымалі 28 кастрычніка 2022 года разам з Андрэям Ярэмчыкам і Дзмітрыем Галавачом.

Затрыманым некалькі разоў запар прызначалі 15 сутак арышту, а затым перавялі ў СІЗА-3. Падчас знаходжання музыкаў у зняволенні, гурт быў прызнаны "экстрэмісцкім фармаваннем".

У зняволенні ў музыкі здарыўся рэцыдыў захворвання, на якое мужчына пакутаваў яшчэ да затрымання, у яго некроз тазабедраных суставаў. Яўген быў накіраваны ў медсанчастку СІЗА.

Стала вядома, што Гомельскі абласны суд пачне разглядаць 14 верасня 2023 г.  справу палітвязня у закрытым рэжыме. Працэс будзе весці суддзя Сяргей Салоўскі.

У залежнасці ад ролі кожнага з музыкаў абвінавачваюць паводле чатырох крымінальных артыкулаў:

• ч. 3 арт. 130 КК (распальванне іншай сацыяльнай варожасці);
• ч. 1 і ч. 3 арт. 361-1 КК (стварэнне экстрэмісцкага фармавання або ўдзел у ім);
• арт. 369-1 КК (дыскрэдытацыя Рэспублікі Беларусь);
• арт. 368 КК (абраза Лукашэнкі).

16 студзеня 2023 г. гурт "Tor band" быў прызнаны "экстрэмісцкім фармаваннем".

У Гомельскім абласным судзе 31 кастрычніка 2023 года агучылі прысуд па крымінальных справах супраць музыкаў. Яўгену Бурло прызначылі восем гадоў калоніі, Дзмітрыю Галавачу — дзевяць гадоў калоніі, а Андрэю Ярэмчыку — сем з паловай гадоў калоніі. Усім прызначылі ўзмоцнены рэжым і яшчэ па 100 базавых велічыняў штрафу (па 3 700 беларускіх рублёў). Справу разглядалі ў закрытым рэжыме паўтара месяца.

Як стала вядома "Радыё Свабодзе", Яўген Бурло быў на мыліцах у час прысуду, ён нават ня мог устаць. На прысудзе, які быў адкрытым, былі сваякі музыкаў.

"Яны ўсе плакалі пад час прысуду. Адна са сваячак у час агучваньня прысуду страціла прытомнасць. Яўген Бурло быў на мыліцах, ён з цяжкасцю перасоўваецца. Ён нават не ўставаў пад час агалошвання прысуду – суддзя Сяргей Салоўскі яму дазволіў", – распавяла Свабодзе крыніца.

Вядома, што Яўген Бурло патрабуе апэрацыі на хрыбце. Яму абяцалі яе правесці.

"Стан здароўя ў яго вельмі кепкі. Цяпер яго правяраюць яшчэ і на анкалогію", – дадала крыніца.

5 студзеня 2024 г. адбыўся разгляд апеляцыйнай скаргі Яўгена на закрытым пасяджэнні. Старшыня судовай калегіі Таццяна Васілевіч.

19 студзеня 2024 г. унесены МУС у "спіс экстрэмістаў".

Адбывае тэрмін у ПК № 3. 

Ад 7,5 да 9 гадоў калоніі. Музыкаў TOR BAND асудзілі да вялікіх тэрмінаў

Яўгену Бурло прызначылі восем гадоў калоніі, Дзмітрыю Галавачу — дзевяць гадоў калоніі, а Андрэю Ярэмчыку — сем з паловай гадоў калоніі. Усім прызначылі ўзмоцнены рэжым і яшчэ па 100 базавых велічыняў штрафу (па 3 700 беларускіх рублёў).

Справу музыкаў TOR BAND пачнуць разглядаць 14 верасня ў закрытым рэжыме

Падчас знаходжання музыкаў у зняволенні гурт быў прызнаны "экстрэмісцкім фармаваннем" — цяпер іх за гэта будуць судзіць, а таксама па шэрагу іншых артыкулаў Крымінальнага кодэкса.