Ілля Давыдзенка

Палітвязень

Дата нараджэння: 6 кастрычніка 1998

Дата затрымання: 2 лютага 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 368 Крымінальнага кодэкса — Абраза прэзідэнта Рэспублікі Беларусь

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Кацэр Сяргей

Месца зняволення: ПК № 22

Заява аб прызнанні палітвязнем

Ілля Васільевіч Давыдзенка быў затрыманы ў межах крымінальнай справы аб абразе прэзідэнта (арт. 368 Крымінальнага кодэксу). Справа была заведзена за спальванне пудзіла Лукашэнкі. Таксама на Іллю была заведзена справа за актыўны ўдзел у групавых дзеяннях, якія груба парушаюць грамадскі парадак (арт. 342 Крымінальнага кодэксу).

У судзе Маскоўскага раёна Мінска 15 верасня 2022 г. суддзя Сяргей Кацэр асудзіў Іллю на 3 гады зняволення ў калоніі. Менавіта такое пакаранне патрабавала абвінавачанне. Неўзабаве палітвязня перавялі з СІЗА-1 у СІЗА-6.

Палітвязень адбывае пакаранне ў івацэвіцкай ПК № 22.

Вынесены прысуд палітзняволеным, якіх абвінавацілі ў спальванні пудзіла Лукашэнкі

Усе абвінавачаныя ў выніку прызналі віну, але на першых допытах ніхто з іх не прызнаваў сваю вінаватасць. Доказамі па справе сталі фотаздымкі з фотаапарата Іллі Давыдзенкі, а таксама скрыншоты з запісаў з тэлеграм-каналаў, дзе былі апублікаваныя здымкі асабістых сустрэч абвінавачаных.