Ірэна Іосіфаўна Клявец — спецыялістка Мінскага гарадскога агенцтва па дзяржаўнай рэгістрацыі і зямельным кадастры, яе затрымалі летам 2022 года. Вядома, што ў жанчыны чацвёра непаўналетніх дзяцей.

Клявец інкрымінавалі чатыры артыкулы Крымінальнага кодэкса за перадачу звестак у ЧКБ. Ёй інкрымінуюць ч. 3 арт.130 ("Узбуджэнне іншай сацыяльнай варожасці і варажнечы"), ч. 3 арт. 203-1 ("Незаконныя дзеянні ў дачыненні да інфармацыі аб прыватным жыцці і персанальных дадзеных"), ч. 3 арт. 352 ("Неправамернае завалоданне камп’ютарнай інфармацыяй"), ч. 3 арт. 426 ("Перавышэнне ўлады або службовых паўнамоцтваў") Крымінальнага кодэкса.

У судзе Маскоўскага раёна Мінска Дзмітрый Супрун асудзіў палітзняволеную на 6 гадоў пазбаўлення волі ў калоніі агульнага рэжыму.

25 ліпеня 2023 г. у закрытым судовым пасяджэнні ў Вярхоўным судзе Юрый Руткоўскі будзе разглядаць апеляцыйную скаргу палітзняволенай.

Была пераведзена з СІЗА-1 у ПК-4 для адбыцця пакарання.

31 жніўня 2023 г. КДБ унёс палітзняволеную ў спіс "асоб, якія маюць дачыненне да тэрарыстычнай дзейнасці".

11 жніўня 2023 года была ўнесена ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.