Іван Вярбіцкі

Палітвязень

Дата нараджэння: 17 ліпеня 1965

Дата затрымання: 21 кастрычніка 2020

Прад'яўленыя абвінавачванні:

арт. 295 Крымінальнага кодэкса — Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў
арт. 377 Крымінальнага кодэкса — Знішчэнне афіцыйных дакументаў
арт. 289 Крымінальнага кодэкса — Акт тэрарызму
арт. 411 Крымінальнага кодэкса — Злоснае непадпарадкаванне патрабаванням адміністрацыі папраўчай установы

Вынік суда: 8 гадоў і 1 месяц

Від пакарання: пазбаўленне волі ў турме ва ўмовах строгага рэжыму

Суддзя: Пятрова Людміла, Касцюк Таццяна, Гладкі Мікалай, Зінкевіч Людміла

Пракурор: Кавальчук Сяргей

Месца зняволення: ПК № 14

У спісе «тэрарыстаў» (грашовыя пераводы забароненыя)
Фота rh.by

Іван Францавіч Вярбіцкі — жыхар Гальшанаў, мае дзве вышэйшыя адукацыі. Працаваў мастаком-дызайнерам, затым перакваліфікаваўся і працаваў мультыплікатарам, рэжысёрам, мантажорам відэа. Малюе карціны, піша апавяданні.

Яго абвінавацілі паводле некалькіх артыкулаў Крымінальнага кодэксу: падбухторванне да акта тэрарызму (частка 1 артыкула 289 КК), незаконныя набыццё, захоўванне боепрыпасаў і выбуховых рэчываў (артыкул 295 КК), а таксама знішчэнне афіцыйных дакументаў (частка 1 артыкула 377 КК).

Згодна з матэрыяламі справы, 14 кастрычніка 2020 года "ў мэтах дэстабілізацыі грамадскага парадку грамадзянін размясціў у адной з груп Telegram-канала тэкставыя паведамленні, у якіх утрымліваліся заклікі да пашкоджання «кактэйлямі Молатава» будынка КДБ і падпалу пракуратуры Ашмянскага раёна. У гэты ж дзень і ў тым жа Telegram-чаце пад нікам «Dimon D» ён размясціў паведамленне з заклікамі да пашкоджання і знішчэння маёмасці супрацоўнікаў праваахоўных органаў шляхам падпалу транспартных сродкаў, якія належаць ім. Між тым падчас ператрусу супрацоўнікі органаў унутраных спраў выявілі і канфіскавалі боепрыпасы і выбуховыя рэчывы".

Вярбіцкі па трох артыкулах 15 сакавіка 2021 года быў асуджаны да 8 гадоў і 1 месяц калоніі ўзмоцненага рэжыму.

Быў пераведзены на турэмны рэжым, які адбываў у Турме № 4.

16 чэрвеня 2022 г. КДБ унёс Івана ў спіс "асоб, датычных да тэрарыстычнай дзейнасці".

У судзе Ленінскага раёна Магілёва 19 снежня 2022 года разглядалі справу супраць палітвязня паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы). Праваабаронцы высвятляюць рашэнне, якое прыняла суддзя Таццяна Касцюк.

Суддзя Мікалай Гладкі 14 сакавіка 2023 г. будзе разглядаць справу Івана Вярбіцкага паводле ч. 2 арт. 411 КК.

Адбывае пакаранне ў ПК № 14 (Навасады). Вядома, што пасля пераводу ў калонію Іван быў змешчаны ў ШІЗА. У пачатку кастрычніка 2023 г. з'явіліся звесткі, што ён утрымліваецца ў памяшканні камернага тыпу. 

23 лютага 2024 г. унесены МУС у "спіс экстрэмістаў".

8 траўня 2024 г. у Барысаве Івана зноў будуць судзіць паводле ч. 2 арт. 411 КК. Справу будзе разглядаць суддзя Людміла Зінкевіч. Івану могуць дадаць яшчэ два гады зняволення. 

За жартоўную дыскусію ў тэлеграм-каналах — восем год і адзін месяц калоніі

У судзе Смаргонскага раёна 15 сакавіка вынесены прысуд па крымінальнай справе, заведзенай на жыхара Гальшанаў Івана Вярбіцкага.

Адрас для лістоў: ПК № 14. 222125, Мінская вобл., Барысаўскі раён, с. н. п. Навасады, вул. Міру, 1А

Палітвязні знаходзяцца па адрасах:

Падтрымаць «Вясну»