Ігар Уладзіміравіч Ільяш - журналіст. 

Ігар быў затрыманы 16 ліпеня 2021 года падчас масавых вобшукаў у незалежных журналістаў у Мінску і іншых гарадах Беларусі. У кватэры журналіста правялі вобшук, забралі тэхніку і кнігі, а затым яго змясцілі ў ізалятар часовага ўтрымання і не выпусцілі на волю праз 72 гадзіны. Стала вядома, што Ігар затрыманы ў межах крымінальнай справы на 10 дзён. Выйшаў на волю 26 ліпеня.

У кастрычніку 2024 г. стала вядома, што Ігар затрыманы. Ягоны фотаздымак у кайданках апублікавалі праўладныя тэлеграм-каналы.

Напрыканцы кастрычніка Ігара перавялі ў СІЗА № 1. У відэароліку, апублікаваным пасля затрымання, журналіст кажа, што яго пераследуюць за інтэрв’ю медыям, прызнаным беларускімі ўладамі "экстрэмісцкімі фармаваннямі".