Сяргей Леанідавіч Ціханоўскі — беларускі блогер, аўтар youtube-канала "Страна для жизни".

У 2019 годзе Сяргей стварыў YouTube-канал "Страна для жизни", які менш чым за год стаў самым папулярным у беларускім сегменце Youtube. Блогер актыўна ездзіў па рэгіёнах Беларусі, сустракаўся з падпісчыкамі, браў у іх інтэрв'ю, падчас якіх мясцовыя жыхары распавядалі аб сваіх праблемах.

Ціханоўскі выказаў жаданне балатавацца на пасаду прэзідэнта, аднак перад самым пачаткам выбарчай кампаніі быў арыштаваны за арганізацыю несанкцыянаванага мерапрыемства і не змог асабіста падаць дакументы ў Цэнтрвыбаркам. Паводле яго даверанасці гэта зрабіла яго жонка Святлана Ціханоўская, але ЦВК не зарэгістраваў блогера ў якасці прэтэндэнта ў кандыдаты, бо даверанасць не была ім асабіста падпісаная. Тады дакументы на рэгістрацыю падала яго жонка, і яе зарэгістравалі.

Пасля заканчэння адміністрацыйнага арышту Сяргей Ціханоўскі стаў даверанай асобай Святланы Ціханоўскай і актыўна ўключыўся ў кампанію па зборы подпісаў у яе падтрымку. У кожным горадзе, куды прыязджала каманда "Страна для жизни", сабралася рэкордная колькасць жадаючых падпісацца за вылучэнне Святланы. Аднак ужо 29 траўня ён быў затрыманы ў Гародні падчас чарговага пікету па зборы подпісаў. На пікеце з'явіліся жанчыны, якія задавалі Сяргею Ціханоўскаму правакацыйныя пытанні і хапалі яго за вопратку. Затым падышлі міліцыянты, але прысутныя не падпускалі іх да блогера. У нейкі момант адзін з міліцыянтаў ўпаў на зямлю. Пасля чаго супрацоўнікі АМАП брутальна затрымалі Сяргея Ціханоўскага і некаторых яго паплечнікаў.

8 чэрвеня 2020 года Сяргею Ціханоўскаму і яшчэ шасці затрыманым па "гродзенскай справе" прад'яўленае абвінавачанне паводле ч. 1 арт. 342 Крымінальнага кодэкса. Пазней Ціханоўскаму выставілі абвінавачванне яшчэ паводле арт. 191 Крымінальнага кодэкса Рэспублікі Беларусь — за "перашкоду правядзенню выбараў і працы Цэнтрвыбаркама". Гэта справа была ўзбуджаная пасля заявы, пададзенай на блогера ў Следчы камітэт кіраўніцай ЦВК Лідзіяй Ярмошынай.

Спачатку Ціханоўскі ўтрымліваўся ў СІЗА-1 у Мінску. 18 жніўня стала вядома, што Сяргей Ціханоўскі быў пераведзены ў СІЗА г. Жодзіна.

У сакавіку 2021 Следчы камітэт завяршыў расследаванне крымінальнай справы ў дачыненні да блогера Сяргея Ціханоўскага, лідара незарэгістраванага аб'яднання "Народная грамада" Мікалая Статкевіча і іх паплечнікаў.

Сяргею Ціханоўскаму ў выніку выставілі канчатковае абвінавачанне паводле наступных артыкулаў Крымінальнага кодэкса:

• ч. 1 арт. 293 (арганізацыя масавых беспарадкаў);
• ч. 3 арт. 130 (распальванне сацыяльнай варожасці);
• ч. 2 арт. 191 (перашкода працы ЦВК);
• ч. 1 арт. 342 (арганізацыя дзеянняў, якія груба парушаюць грамадскі парадак).

14 снежня 2021 быў вынесены прысуд Сяргею Ціханоўскаму: 18 гадоў зняволення ў калоніі ўзмоцненага рэжыму.

31 траўня 2022 у Вярхоўным судзе ў закрытым рэжыме пачалі разглядаць апеляцыйныя скаргі шасці фігурантаў «справы Ціханоўскага». На наступны дзень суд пастанавіў пакінуць прысуды без зменаў.

28 чэрвеня 2022 г. КДБ унёс Сяргея ў спіс асобаў, "датычных да тэрарыстычнай дзейнасці".

8 ліпеня 2022 г. стала вядома, што палітвязень этапаваны ў папраўчую калонію № 15.

Суддзя Кастрычніцкага раёна Магілёва Жанна Пушкіна 11 жніўня 2022 г. пастанавіла ўзмацніць рэжым і перавесці палітвязня ў турму на тры гады. 10 жніўня 2022 г. Сяргея этапавалі з ПК № 15 у жодзінскую Турму № 8. 19 жніўня яго змясцілі ў ШІЗА, адкуль яго выпусцілі толькі праз два месяцы.

МУС 4 лістапада 2022 г. уключыла палітвязня ў "Пералік асобаў, датычных да экстрэмісцкай дзейнасці".

Паводле інфармацыі праваабаронцаў, фігуранты "справы Ціханоўскага" павінны будуць сплаціць 22 мільёны рублёў кампенсацыі — як пазначана ў судовым рашэнні, "для выплат супрацоўнікам Міністэрства ўнутраных спраў за дадатковы час на службе падчас паслявыбарчых пратэстаў".

У сярэдзіне студзеня 2023 г. супраць Сяргея завялі справу паводле ч. 2 арт. 411 КК за "злоснае непадпарадкаванне патрабаванням адміністрацыі папраўчай установы". Працэс распачаўся 14 лютага ў судзе г. Жодзіна.

27 лютага 2023 года суддзя Іван Грынкевіч прызнаў палітвязня вінаватым і прызначыў яму ў дадатак да 18 гадоў калоніі яшчэ паўтара года зняволення.

З дзевятага сакавіка 2023 года Сяргей Ціханоўскі ўтрымліваецца ў поўнай ізаляцыі ад свету ў рэжыме інкамунікада. 

Па стане на канец лістапада 2024 г. з Сяргеем у сваякоў больш за 600 дзён няма сувязі. Ён ужо чатыры гады не атрымліваў ніякіх пасылак, харчуецца толькі турэмнай ежай, без вітамінаў. Святлана Ціханоўская мяркуе, што ён моцна схуднеў: "Вядома, што ва ўсіх палітвязняў узнікаюць праблемы са здароўем, з зубамі, з вачыма".

"Справа складаецца з нічога"

Адвакатка Марыя Колесава-Гудзіліна ўпершыню распавяла, як праходзіў закрыты суд над Ціханоўскім і ягонымі паплечнікамі.

Палітвязню Сяргею Ціханоўскаму прызначылі яшчэ паўтара года зняволення

Вядома, што ў жодзінскай турме Сяргея два месяцы бесперапынна ўтрымлівалі ў ШІЗА ў нечалавечых умовах.

"Карцар амаль такога ж памеру, як сам Ціханоўскі". Як блогер і крытык Лукашэнкі Сяргей Ціханоўскі ўжо два гады жыве ў зняволенні

Як палітвязень жыве два гады за кратамі, пра што піша дзецям і чаму не лічыць сябе пераможаным – пра гэты распавялі жонка Сяргея Святлана Ціханоўская і ягоны адвакат Наталля Мацкевіч.

Святлана Ціханоўская распавяла, чым жыў Сяргей да таго, як прыйшоў у палітыку

Сяргей любіў Гомель і хацеў напоўніць яго жыццём. Да 2020-га ён займаўся развіццём клубнага жыцця ў горадзе, арганізоўваў канцэрты музычных зорак, рабіў кар'еру ў рэкламным бізнесе, марыў падарыць новае жыццё старадаўняму дому ў беларускай вёсцы.

Ад 14 да 18 гадоў калоніі. Вынесены прысуды па "справе Ціханоўскага"

У Гомелі 14 снежня быў абвешчаны прысуд шасці палітвязням: Сяргею Ціханоўскаму, Ігару Лосіку, Мікалаю Статкевічу, Уладзіміру Цыгановічу, Арцёму Сакаву і Дзмітрыю Папову. Суд па “справе Ціханоўскага” праходзіў у закрытым рэжыме ў будынку гомельскага СІЗА на працягу амаль шасці месяцаў.

"Тэрміны запрасіў пракурор па самае не магу". Ад Сяргея Ціханоўскага і Уладзіміра Цыгановіча прышлі лісты перад прысудам

14 снежня абвесцяць прысуд Сяргею Ціханоўскаму, Міколу Статкевічу, Ігару Лосіку, Арцёму Сакаву, Уладзіміру Цыгановічу і Дзмітрыю Папову. Ім пагражае да 12-15 гадоў пазбаўлення волі.

У "справе Ціханоўскага" змяніўся суддзя. Што вядома пра яго і ці будзе справа разглядацца з пачатку?

У будынку гомельскага СІЗА ўжо тры месяцы ў закрытым рэжыме праходзіць суд над шасцю палітвязнямі: Сяргеем Ціханоўскім, Ігарам Лосікам, Мікалаем Статкевічам, Уладзімірам Цыгановічам, Арцёмам Сакавым і Дзмітрыем Паповым. Гэтыя месяцы справу разглядаў суддзя Гомельскага абласнога суду Мікалай Бакуноў (мы распавядалі пра яго раней), але 7 верасня Лукашэнка падпісаў указ аб прызначэнні Бакунова на пасаду старшыні суду Чыгуначнага раёну Гомеля. Па інфармацыі праваабаронцаў “Вясны”, цяпер справу разглядае іншы суддзя — Мікалай Доля.

Крымінальная справа за гвалт да міліцыянтаў: вобшукі, затрыманні і новы фігурант справы

Храналогія пераследу Сяргея Ціханоўскага.