Галіна Іванаўна Дзербыш — пенсіянерка з аграгарадка Абухава Гродзенскага раёна, мае анкалагічнае захворванне і праблемы з сэрцам. Усё жыццё яна працавала бухгалтаркай у калгасе, на пенсіі займалася гаспадаркай. Амаль 15 гадоў жанчына была незалежнай назіральніцай на выбарах, неаднаразова фіксавала парушэнні падчас кампаній. Акрамя таго, змагалася за правы і адстойвала іх перад чыноўнікамі.

У лютым 2021 года КДБ унёс палітзняволеную ў спіс "асобаў, датычных да тэрарыстычнай дзейнасці".

"Мама піша, што ў турме шмат людзей з паламанымі лёсамі. Нядаўна да яе падсяліў маладую дзяўчыну. Мама чалавек ранімы, цяжка ўявіць, што ў яе на душы цяпер. У зняволенні стаўленне да яе нармальнае, нават папрасіла мяне напісаць падзяку ў турму. Кажа, што наглядчыкі ў шоку ад таго, што адбываецца, называюць яе "наша бабуля-тэрарыстка". Піша пра здароўе, якое ў яе пагоршыўся", — распавядала яе дачка.

Дома ў яе 15 катоў-падкідышаў за якімі яна прыглядала, куры, трусы, сабака і шмат кветак. Каты ў апошні час хварэюць. "Я ім кажу: і не думайце паміраць, трэба дачакацца гаспадыню!" — кажа дачка Галіны.

Разгляд справы распачаўся 18 траўня 2022 года ў СІЗА гродзенскай Турмы № 1. Суддзя — Максім Філатаў. На працэсе стала вядома, што Галіну абвінавачваюць паводле ч. 2 арт. 285 (удзел у злачыннай арганізацыі), ч. 3 арт. 289 (акт тэрарызму, здзейснены групай асобаў), ч. 1 арт. 357 (змова з мэтай захопу ўлады неканстытуцыйным шляхам). Жанчына цалкам не прызнала сваю віну.

На адным з пасяджэнняў Галіна заявіла, што падчас следства ёй увесь час пагражалі і прымушалі агаворваць сябе. Яна неаднаразова пісала скаргі ў пракуратуру, але не атрымала ніводнага адказу. Акрамя гэтага, яе змяшчалі ў карцар тэрмінам на 10 сутак, там не давалі неабходных лекаў, таму яна некалькі разоў траціла прытомнасць. 26 ліпеня Галіну Дзербыш змясцілі на 7 сутак у карцар, бо яна адмаўлялася праходзіць "рамку": перад пасяджэннямі абвінавачаных прымушаюць раздзявацца і праходзіць праз сканер.

17 кастрычніка 2022 г. Гродзенскі абласны суд агучыў прысуд фігурантам справы. Суддзя Максім Філатаў прызначыў Галіне Дзербыш 20 гадоў калоніі ва ўмовах агульнага рэжыму і 700 базавых велічыняў штрафу (22 400 рублёў).

У Вярхоўным судзе 31 сакавіка 2023 г. разглядзелі апеляцыйныя скаргі фігурантаў "справы Аўтуховіча". Судовая калегія пад старшынствам суддзі Паўла Каршуновіча прыняла рашэнне вызваліць Мікалая Аўтуховіча ад прызначанага пакарання праз заканчэнне тэрмінаў даўніны ў частцы асуджэння паводле арт. 295-3 КК (Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў), а Ірыну Гарачкіну — паводле ч. 1 арт. 405 КК (пакрыванне цяжкага злачынства). У выніку Гарачкінай скарацілі тэрмін на 1 месяц, а Аўтуховічу пакінулі без зменаў. Астатнім палітвязням судовая калегія пакінула апеляцыйныя скаргі без задавальнення, а прысуд — у сіле.

12 траўня 2023 г. МУС уключыла палітзняволеную ў "Пералік грамадзян Беларусі замежных грамадзян і асоб без грамадзянства, якія маюць дачыненне да экстрэмісцкай дзейнасці".

У сярэдзіне траўня 2023 г. стала вядома, што палітзняволеная была этапавана ў ПК № 4.

У чэрвені 2024 г. стала вядома, што с траіх фігурантаў "справы Аўтуховіча" — Мікалая Аўтоховіча, Паўла Савы і Галіны Дзербыш спагналі кампенсацыю "нанесенага ўрону". Па версіі следства, у выніку іх дзеянняў былі пашкоджаныя аўто і дом аднаго міліцыянта на агульную суму 35,8 тысячы рублёў, а таксама аўтамабіль другога — на 4,4 тысячы рублёў. Прызнаныя пацярпелымі сілавікі звярнуліся з патрабаваннямі аб кампенсацыі прычыненай ім шкоды і атрымалі кампенсацыю з бюджэту. У сваю чаргу пракурор Ваўкавыскага раёна прад'явіў пазовы аб спагнанні з Аўтуховіча, Савы і Дзербыш "сум прычыненага злачынствам урону ў парадку рэгрэсу". Гэтыя патрабаванні былі поўнасцю задаволены, рашэнні ўступілі ў законную сілу.

Яе называлі Маці Тэрэза: з пенсіянеркі зрабілі тэрарыста па "справе Аўтуховіча"

Як сілавікі патрабавалі ад сям'і адмовіцца ад мамы, а прапагандыстка Лебедзева гатовая была лезці ў чужую хату праз плот дзеля сенсацыі пра "тэрарыстку", Еўрарадыё расказала малодшая дачка палітзняволенай Наталля.

Да 25 гадоў калоніі. Вынесены прысуды па "справе Аўтуховіча"

Гродзенскі абласны суд 17 кастрычніка агучыў прысуды па рэзананснай "справе Аўтуховіча". Працэс доўжыўся пяць месяцаў. Суддзя Максім Філатаў прызначыў ім ад 2,5 да 25 гадоў калоніі.

"Я не здзяйсняў злачынства, я шукаў праўду": падрабязнасці суда па "справе Аўтуховіча"

Згодна з матэрыяламі следства, Галіна Дзербыш садзейнічала Аўтуховічу: здавала памяшканне для пражывання фігурантам справы перад і пасля здзяйснення рыхтаваных злачынстваў, для захоўвання агнястрэльнай зброі, боепрыпасаў, выбуховых рэчываў, выбуховых прылад.

Другі дзень суда па «справе Аўтуховіча»: што адбываецца на працэсе

Сцвярджаецца, што Аўтуховіч рыхтаваў тэракты і збіраў звесткі аб сілавіках па ўказанні ўкраінскіх спецслужбаў. Акрамя гэтага, група нібыта планавала збор дадзеных аб расійскіх вайскоўцах, каб іх выкрасці і атрымаць ад іх інфармацыю аб задачах, планах і размяшчэнні расійскіх войскаў у Беларусі. Гэтыя дадзеныя, па версіі следства, Аўтуховіч перадаваў прадстаўнікам украінскіх спецслужбаў.

У гродзенскай турме пачаўся суд па справе "групы Аўтуховіча"

Судовы працэс «групы Аўтуховіча» вядзе суддзя Гродзенскага абласнога суда Максім Філатаў. Менавіта ён прысудзіў пяць гадоў калоніі Вітольду Ашурку, які памёр у траўні 2021 года ў шклоўскай калоніі пры невыстветленых абставінах.На судовы працэс пусцілі толькі двух сваякоў абвінавачаных, але пры гэтым на судзе прысутнічаюць дзяржаўныя прапагандысты.