Аляксей Кудасаў
Палітвязень
Дата нараджэння: 3 чэрвеня 1998
Дата затрымання: 1 ліпеня 2021
Прад'яўленыя абвінавачванні:
- ч. 1 арт. 293 Крымінальнага кодэкса — Арганізацыя масавых беспарадкаў
- арт. 369 Крымінальнага кодэкса — Абраза прадстаўніка ўлады
- арт. 361-1 Крымінальнага кодэкса — Стварэнне экстрэмісцкага фармавання або ўдзел у ім
- арт. 130 Крымінальнага кодэкса — Распальванне варожасці ці варажнечы
Вынік суда: 11 гадоў і 6 месяцаў
Від пакарання: пазбаўленне волі ў калоніі ва ўмовах строгага рэжыму
Суддзя: Папко Анастасія, Бобыраў Вадзім
Месца зняволення: ПК № 11
Справы: Пратэсты Мінск
Заява аб прызнанні палітвязнем
Сімвалічны(ая) хросны(ая): Афелія Нік, дэпутатка нямецкага Бундэстагу
Аляксей Фірдаўсавіч Кудасаў (1998 г. н.) быў затрыманы 1 ліпеня 2021 года ў Мінску супрацоўнікамі ГУБАЗіК.
На наступны дзень суд Цэнтральнага раёна прысудзіў яму 15 сутак адміністрацыйнага арышту. Але пасля арышту Аляксей не выйшаў на волю, его перавялі ў СІЗА на Валадарскага — ён стаў фігурантам крымінальнай справы аб групавых дзеяннях, якія груба парушаюць грамадскі парадак (арт. 342 Крымінальнага кодэксу).
У суд крымінальная справа супраць Аляксея патрапіла ўжо па чатырох артыкулах Крымінальнага кодэкса:
- ч. 1 арт. 293 (арганізацыя масавых беспарадкаў),
- ч. 1 арт. 361-1 (стварэнне экстрэмісцкага фарміравання),
- ч. 3 арт. 130 (распальванне сацыяльнай варожасці, учыненая групай асоб альбо якія пацягнулі па неасцярожнасці смерць чалавека альбо іншыя цяжкія наступствы),
- арт. 369 (абраза прадстаўніка ўлады).
У чым канкрэтна абвінавацілі Кудасава — невядома, бо справа разглядалася ў закрытым судовым пасяджэнні.
Аляксей судзімы. Відэасюжэт "Отсидел в колонии: Алексей | ПОСЛЕ" пра яго раней здымаў TUT.BY, дзе сам мужчына распавядае пра сваё зняволенне.
"Аляксей здзейсніў памылку, за якую давялося расплаціцца трыма гадамі пазбаўлення волі. Калі яму было 18 гадоў, ён пайшоў у школу, дзе працавала яго мама, каб дапамагчы ёй. Пасля ён пайшоў у свабодны спартыўная зала школы, дзе быў кулепрыёмнік, і пачаў страляць па мішэнях. Пазней да яго далучылася некалькі школьнікаў, а калі Аляксей адцягнуўся, адзін з іх стрэліў у свайго аднакласніка. Герой нашага відэа не стаў бегчы ад адказнасці — гэта прывяло яго ў калонію", — распавядаюць у апісанні да відэа.
25 красавіка 2022 года ў Мінскім гарадскім судзе Аляксею Кудасаву прысудзілі 11 гадоў зняволення.
На пачатку траўня 2022 г. стала вядома аб пераводзе Аляксея з СІЗА-1 у баранавіцкі СІЗА-6.
22 ліпеня 2022 г. КДБ унёс Аляксея ў спіс асобаў, датычных да тэрарыстычнай дзейнасці.
Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
17 ліпеня 2022 г. палітвязня перавялі з СІЗА-6 у ПК № 11 у Ваўкавыск. 1 верасня стала вядома, што з таго часу ён 29 дзён правёў у карцары і толькі адзін раз змог патэлефанаваць родным. У калоніі палітвязня неаднаразова змяшчалі ў ШІЗА.
Напрыканцы ліпеня 2023 г. стала вядома, што палітвязень знаходзіцца ў СІЗА-3.
3 жніўня 2023 г. у Гомельскім абласным судзе пачнецца працэс, на якім будзе разглядацца чарговая справа палітвязня паводле ч. 2 арт. 361-1 КК (стварэнне экстрэмісцкага фарміравання, здзейсненае паўторна). Суддзя Вадзім Бобыраў.
11 жніўня 2023 г. Аляксея прызналі вінаватым і асудзілі на 7 гадоў калоніі. Шляхам частковага складання тэрмінаў да 11 гадоў дадалося яшчэ 6 месяцаў зняволення.
У Мінску палітвязня асудзілі да 11 гадоў калоніі
