Дзмітрыя Васільевіча Данільчыка затрымалі ў Cлоніме ў жніўні 2023 года і першапачаткова арыштавалі на 15 сутак, пасля чаго была ўзбуджаная крымінальная справа. 

Суд Дзятлаўскага раёна 30 траўня 2024 года прызнаў яго вінаватым і на падставе ч. 1 арт.368 КК прызначыў пакаранне ў выглядзе пазбаўлення волі на тэрмін два гады, а на падставе арт. 369 КК прызначыў пазбаўленне волі на тэрмін адзін год са штрафам у памеры 100 базавых велічынь. Шляхам паглынання менш строгага пакарання больш строгім абвінавачанаму Дзмітрыю канчаткова прызначана пакаранне ў выглядзе пазбаўлення волі на тэрмін два гады са штрафам у памеры 100 базавых велічынь. Тэлефон канфіскаваны ў даход дзяржавы. Справу разглядаў суддзя Сяргей Сёмуха.

18 ліпеня 2024 г. адбыўся разгляд апеляцыйнай скаргі. Старшыня судовай калегіі Юрый Казакевіч. 

Утрымліваўся ў турме № 1.

Актуальны адрас невядомы. 

"Размяшчаў каментары абразлівага характару": вынесены прысуд жыхару Слоніма

Судом Дзятлаўскага раёна 30 траўня 2024 года разгледжана крымінальная справа ў дачыненні да жыхара Слоніма Дзмітрыя Данільчыка, абвінавачанага ў абразе Аляксандра Лукашэнкі (ч. 1 арт. 368 КК) і абразе прадстаўніка ўлады (арт. 369 КК). Справу разглядаў суддзя Сяргей Сёмуха.