Дзмітрый Сяргеевіч Буланаў — майстар шахматаў з Брэсту. Цяпер займае 28-е месца сярод усіх беларускіх гульцоў і мае званне майстра FIDE.

У 2020-м Дзмітрый з калегамі стварылі групу "Свабодныя шахматысты Беларусі" і пачалі выступаць пад бел-чырвона-белым сцягам. Разам з камандай, у якую ўваходзяць адны з наймацнейшых беларускіх шахматыстаў, двойчы выйгралі шахматную Бундэслігу.

У пакаяльным відэа Буланаў распавядаў, што затрыманы супрацоўнікамі ГУБАЗіК, удзельнічаў у акцыях 2020 года, удзельнічаў у перасылцы "экстрэмісцкіх матэрыялаў" і быў зарэгістраваны ў плане "Перамога".

Паводле "Медыязоны", ГУБАЗіК атрымаў поўны доступ да закрытага чату "Свабодныя шахматысты Беларусі". Самога Буланава спачатку адпусцілі пад падпіску аб нявыездзе пасля трох дзён арышту.

25 кастрычніка 2024 году ў судзе Ленінскага раёна Брэста яго асудзілі на 1,5 года пазбаўлення волі ў калоніі ва ўмовах агульнага рэжыму паводле арт. 342 Крымінальнага кодэксу (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).

За пратэсты 2020 года ў Брэсце асудзілі яшчэ 6 чалавек

Суд Ленінскага раёна Брэста 25 кастрычніка 2024 году вынес чарговы масавы прысуд за ўдзел у акцыі пратэсту 10 жніўня 2020 года.

У Брэсце затрымалі майстра па шахматах Дзмітрыя Буланава

«Затрыманы супрацоўнікамі ГУБАЗіК, удзельнічаў у акцыях 2020 года, удзельнічаў у перасылцы "экстрэмісцкіх матэрыялаў" і быў зарэгістраваны ў плане "Перамога"», — распавёў затрыманы.